متلعبش ببنات الناس عشان متتردش وتزعل!

Mango_15394 🇶🇦

منذ سنة واحدة

شعور Great 🤩

عزيزي الشاب : انت متقبلش على نفسك تتجوز واحده انت ماشي معاها... و بتبقا دي حجتك عشان تسيبها مع انك بتبقا عملت قرد عشان تعرف ترتبط بيها و بتقعد تسبتها بالكلام و توعدها انك هتتجوزها و تقولها انك بتحبها بس بتيجي بعد ما تزهق ترميها ..على العكس بقا انها حبتك جدا و وثقت فيك و البنت اما بتصدق تلاقي الشخص اللي يحسسها انها ملكه وللاسف الشخص ده بيبقا انت ...بحجه انها طالمه خانت ثقه اهلها يبقا هيجي يوم تخون ثقتك..ليك حق انا مش ضدك في الحته دي ..بس متبقاش مسبتش نمله ممشتش معاها و في الاخر تقول ده هيا اللي خانت وعملت وسوت وانت الملاك يعني ...ولو انت فاكر انك بعد ما تلعب بقا بالبنات دي هتيجي بنت الحلال الملاك النازل من الارض وهتتجوزها تبقا غلطان ربك مش بيسيب حق حد وكما تدين تدان و هتلاقيها ماشيه مع واحد قبلك و متقوليش بقا ده انا سألت عليها وعارف انها محترمه وي وي يعم الحج مشككتش في شرفها يمكن تطلع ممشيتش مع حد فعلا بس اصل كده كده هتترد في اخواتك بقا او بناتك او هتبقا في مراتك أصلا او طبعا ممكن تترد بطرق تانيه...ده العدل! مش عاجبك؟ امشي في الحلال و متلعبش ببنات الناس عشان متتردش و تزعل بعدين🤏❤️‍🩹 وطبعاً لكل قاعده استثناء في شباب متقبلش تمشي مع اي بنت ...ده غير ان في بنات بردو بتلعب باولاد للاسف

سبحان الله الدنيا دواره وربنا بيرد الحق

ياخي سبحان الله قد ايه الدنيا دواره وداين تدان وربنا بيمهل ولا يُهمل،لسه عارفه اليوم بالصدفه إن البنت اللي كانت عامله شله وعماله تأذي فيا وأذتني أشد الأذى ووجعتني لدرجة إني بسببها هي والشله اللي عاملاها سيبت كليتي وحولت كليه تانيه بسبب أذاها ليا ،اللهم لا شماته يعني بس لسه عارفه بالصدفه إنها سابت الكليه وقعدت ف البيت يعني حتى محولتش كليه تانيه،أنا والله مش شمتانه بس هي قهرتني ووجعتلي قلبي وكانت سبب ف إنها خلتني أتخلى عن حلمي ،مش هنكر إن وقتها كنت ضعيفه للدرجه اللي تخليني أسيب أي حاجه توجعني وأهرب منها من غير مواجهه مكنتش بحب أفضل ف أي مكان مؤذي،بس أنا وقتها رغم إني كنت أرد ليها الأذى أضعاف الأضعاف وكنت عارفه عنها مصايب بس سترت عليها ومفضحتهاش ولما كانت أي واحده تسألني أنتِ ليه بعدتي عنها يشهد الله مكنتش بقول نص كلمه وحشه ف حقها رغم إنها ف نفس ذات الوقت كانت بتفتري عليا بحاجات محصلتش وكانت أي واحده تسألها عني تقولها عني أسوأ الكلام،يشهد الله إني اخترت أكون كويسه وأستر عليها رغم إني كنت عارفه إنها كانت بتفتري وتتبلى عليا بالكذب ورغم إني كنت عارفه مصايب ليها وحقيقيه كمان مش كذب إلا إني مرديتلهاش الأذى بأذى واخترت إني أستر عليها حتى لو هي بتفتري عليا كذبًا وبهتانًا، فوضت أمرها لله وكنت بحسبن عليها علطول على كم القهره اللي قهرتهالي وعلى كم الوجع وإن بسببها دخلت ف اكتئاب وروحت أتعالج منه ولحد الآن بتجيلي نوبات اكتئاب كل فتره ولحد الآن مش ناسيه أذاها،بس سبحان الله معملتش أي حاجه غير إني قولت يارب بعتك مظلمتي هذه وحسبي الله ونعم الوكيل ويارب ردلها اللي عملته معايا الضعف،سبحان الله رغم إن الموقف كده من 3 سنين ونص بس سبحان الله يمهل ولا يهمل طول السنين دي كنت مفوضه أمري لله ويشاء القدر إني أعرف صدفه إنها سابت الكليه وقعدت ف البيت ،أنا مش شمتانه والله بس أنا فرحانه بعدالة ربنا وإن هو اللي خدلي حقي من غير تدخل مني.. حقيقي كما تدين تدان ولو بعد حين جيت أحكيلكوا علشان لو حد فيكوا بيمر بموقف مشابه يعرف إن حقه كده كده راجع وميقلقش حتى لو بعد سنين يعني أهو أنا عرفت بعد ٣ سنين ونص ف سبحان الله ربنا عادل والله وميرضاش لعباده الوجع بس الصبر بس ...عرض المزيد

10 الدعم

4 نصيحة

اخويا المتحكم وخيانة الثقه اللي أذتني جامد

طيب يا جماعه أنا وأخويا كنا قريبين أوي من بعض ...هوا متحكم جدا وكده ومره من كذا سنه لما صاحبت ناس سوشيال كتير يعني وكنا بنتكلم وكده وهوا عرف وقعد يقرأ الشاتات ويقولي ايه القرف ده وأني مقرفه وبتاع وقتها أنا مكنتش أعرف أن ده غلط وكنت صغيره ومعرفش الحرام من الحلال بس كانوا فعلا أول ناس أنا أحبهم يعني وأتمنى نفضل صحاب وقت طويل وقتها ...أنا سمعت كلامه من غير نقاش لأنه قال هيقولك لبابا وأنا قررت أبعد عن الناس دي مع أني تعبت جدا جدا جدا لما سبتهم بس قلت خليني دايما أرتقي لأخلاق أخويا لأني كنت يحترمه جدا ومكنتش عايزاه يزعل مني المهم واتاخد من الفون وبسبب ده حتى أصحابي ف الحقيقه فكروني أني سبتهم وخلو علاقتهم معايا سطحيه والموضوع ده أذاني جامد وقتها يعني كنت حرفيا بقيت منعزله عن كل الناس ومش بكلم حد أو أعرف حد وفضلت ال5 سنين اللي فاتوا على كده يعتبر بقى عندي احساس أن أي حد هعرفه هضطر أسيبه ف المستقبل فمعدش عندي ثقه بحد الصراحه المهم أخويا ده أنا اكتشفت أنه بيكلم بنات وعنده فيك أكونت وخافيه عني عاملي بلوكات عشان معرفش...وكمان على الرغم أنه كان بيقعد يشتم على البنات من النوع ده إلا أني اكتشفت أنه مرتبط هوا مخبي عشان عارف ردة فعلي هتكون ايه ...عايز يتجوزها على حسب مستقبلي أنا وأختي كمان والموضوع تاعبني حرفيا ...عرض المزيد

8 الدعم

6 نصيحة

صاحبي بيتكلم مع اختي على الواتس ومش عارف أعمل إيه

في حد من صحابي يعني صاحب غالي عليا وبعتبرو زي اخويا المهم شغال معايا مش ف كل الاوقات احيانا بيجي ساعتين او 5 او 10 على حسب الكلية بتاعتو او لو فاضي بيجي المهم لاحظت فيه كان كل شوية يتكلم على الواتس بس مش عارف كان بيكلم مين المهم البيت بتاعنا جنب المحل ف كل ما اعدي على البيت الاقي اختي بتلعب ف التلفون ع الواتس بالذات وبنفس الوقت اللي هو بيتكلم فيه ع الواتس بردو لغايا ما لاحظت ان هو بيكلم اختي على الواتس فا مكنتش متأكد بردو اخدت تلفون اختي مرة قولتلها هاخد برنامج من عندك او او انا اللي هديها البرنامج اللي كانت عايزاه مش فاكر بالضبط المهم كتبت نفس رقم صاحبي اللي لاحظت ان هو كان بيكلم اختي لقيت رقمه على تلفون اختي ومتسجل my life فا مش عارف اعمل اي بصراحه اروح اقل لابوها ولا اقولها هي ولا اخبي الموضوع عشان مكسرش بخاطرها ولا اي بالضبط ...عرض المزيد

7 الدعم

7 نصيحة