متردد انزل ومتعلق بواحده فى الجامعه - اعجاب ولا وهم؟

Question

انا كنت متردد انزل بس انا متعلق بواحده فى الجامعه كنا اخدنا شهرين بنعمل eye contact بس بعدها بطلنا انا اعرفها من زمان وهى ملهاش فى حوار الإرتباط وكده ولا صحوبيه الاولاد بس حسيت انه اعجاب متبادل مش من طرف واحد فمش عارف هل انا صح او لا ولو لا ازاى اقدر انساها لان بحاول وفتره وبرجع ادخل اكونتها تانى

Mango_32002 🇪🇬 · Accepted Answer

انا من رايي انك تتقدملها لانها لو ملهاش في حوار الارتباط دا 
هتحترمك جدا لما انت تتكلم معاها في حدود دينك وانك بتتمنالها الخير ودا هيكبرك اوي في نظرها

Coffee_27927 🇪🇬 · Answer

انت كدا بتاذي نفسك وبتزود التعلق بشخص انت مش عارف حتى حقيقة مشاعره اتجاهك

Avocado_32497 🇪🇬 · Answer

برأيي لو لسه هي شاغله بالك تروح وتتكلم معاها وقولها ان( قصدي خير ولو انتي كمان عندك نفس المشاعر فانا عاوز اتقدم)  انا معرفش انت بتشتغل وخلصت كليه ولا لسه بتدرس بس عموما اتكلم لانها حتى لو بتبادلك معتقدش انها هتاخد خطوة

Mango_32387 🇪🇬 · Answer

طيب ازاى اقدر ابطل افكر فيها

Mango_32387 🇪🇬 · Answer

انا ناوى اتقدم فعلا بس احنا لسه فى كليه فلسه بدرى اوى على كده

Mango_32387 🇪🇬 · Answer

انا مكلمتش بنات قبل كده عشان مقتنع ان كل حاجه ليها وقتها و وقت الارتباط هيكون الخطوبه والجواز فمش عارف حتى اقول اى وبعدين بخاف من الرفض ومنظرى قدام نفسى

Strawberry_32626 🇪🇬 · Answer

اتفق ولو شايف انه لسه بدري علي كده يبقي اجل حبك ف قلبك لحد ما تبقي قد حالك لو كانت من نصيبك فهتكون ومتفكرش كتير وخطط لمستقببك اسرع علشان تلحقها

Coffee_27927 🇪🇬 · Answer

أشغل نفسك بحاجة تانيه هتتعب شويه في الاول بس هتتعود بعد كدا معنديش اي حاجه ممكن تساعدك غير انك تركز في حياتك وتبعد عنها لغايه ما تبقى جاهز للجواز وقتها تقدر تفكر

Mango_32387 🇪🇬 · Answer

انا وجه نظرى فى الحياه انها مراحل يعنى كل حاجه ليها وقتها فوقت الكليه او السن ده عموما هو وقت العزوبية والاستمتاع بالشباب مرحله الحب كنت شايفها انها لما تيجى هيبقى وقت الخطوبه او الزواج ( مرتبطش قبل كده لان حابب تبقى اول علاقه ليا مع الشخص الى هكمل معاه باقى حياتى وبالحلال) فحبها ده حصل صدفه فانا عاوز يا ابطل احبها أو اشوف حل انساها بيه لحد مايجى وقت انى اخطبها فاهمنى يا فراوله ؟