ليه مشاعره مش ثابته وحاسه بالحيرة؟

Question

ليه ممكن يكون الراجل مشاعره مش ثابته يعني يحسسني النهاردة انه بيحبني اوي بس بكرا عادي يعني 
ملحوظة : هو مش بيحاول حتي يقل ادبه معايا عشان محدش يقول حاطتني ع الرف 
أنا فعلا حاسه بمشاعره ليا بس في تصرفات مش فاهماها و عايزة اتناقش ف الموضوع بجدية

Pineapple_21302 🇪🇬 · Accepted Answer

لو بيحبك فعلا هيتقدم حتي لو مش جاهز وعارف انه هيترفض بس مش هيحاول ياخدك في الحرام ابدا او يكلمك بينك وبينه بدون علم الاهلين بالعكس هيبقي حابب يبقي رسمي قدام الكل فمتعشميش نفسك بحاجه وحاولي تقللي تعامل معاه بقدر الامكان ولو الموضوع اتفتح تاني بلغيه انه يتقدم حتي لو معهوش ربع جنية ربنا هيسر الحال ليكم لو ليكم خير لبعض

Ice Cream_20764 🇪🇬 · Answer

طالما مدخلش البيت من بابه ومقالهاش صريحه يبقي فكك من اي حاجه حاسه بيها

Kiwi_4495 🇪🇬 · Answer

هو قالها صريحة فعلا و اتكلمنا ف الموضوع بجديه و قالي انه مش جاهز يتقدم حاليا ..و وصلنا ف الاخر ان مش هقدر ادخل ف علاقة زي دي وهو مكنش يحب يعترف غير و هو جاهز ماديا للموضوع ..ف النهاية يعني تقبلنا الموضوع و بقينا اصحاب عادي زي ما احنا ..بس أنا عندي شك عموما ف الموضوع و مش فاهمه طريقته يعني هو لو بيحبني ليه بيعمل حاجات تدل عكس كدا مع ان اوقات بحس ان ليا الأولية ف حياته جدا بردو بس اوقات لا

Pear_12205 🇪🇬 · Answer

سيبك من كومنت ان دا راجل حاجه من اتنين دا عشان دا اي كلام في الزبادي
اكبر احتمال لتصرفه دا كونه راجل زيه وكنت في نفس مكانه ساعات كتير انه بيندم على ان مفيش حاجه رسمي ومش عايزك تكوني معاه كدا لما بيفكر بعقلانيه وحلال وحرام .. بس لما ميقدرش يتحكم في مشاعره بيحبك ويتكلم غصب عنه .. المعنى انه عايز يكون حاجه رسمي في اقرب وقت

Kiwi_4495 🇪🇬 · Answer

فعلا دا اكتر رد حسيته بيوصفه بس أنا مش عايزة اعشم نفسي ع الفاضي بردو

Kiwi_4495 🇪🇬 · Answer

أنا فعلا مش حابة اعشم نفسي بحاجة حتي لو هو شخص كويس