كان عندي شله صحاب المهم أن فيه بنت بدأت تقرب مني و بقينا صحاب و حبيتها جدا و بعدين بقت معانا في شلتنا و كده البنت دي لما دخلت الشله كله برضو حبها زيي المهم اني حرفيا هي كانت اكتر واحده بحبها رغم اني عندي صحاب في الشله اعرفهم قبلها بسنين كتير و يعتبر صحاب الطفوله بس هي كانت المفضله عندي بس اللي حصل انها بدأت تقرب لاتنين من الشله بالذات و بقوا قريبن اوي اوي منها و ده كان بيخليني اغير جدا جدا عليها المهم بعد كام سنه حصل خلافات بينها و بين اقرب اتنين ليها دول و بعدين دخلنا الجامعه و كل واحده اتشغلت و كده وكانت هي في الفتره دي مش بتكلم حد غيري في الشله دي بقالنا ٣ سنين مش بتكلم حد غيري و انا اللي بسأل عليها و بقف جنبها لو احتاجتني و بكلمها يوم عيد ميلادها و كل فتره اسأل عليها و كنت أنا الوحيده حرفيا في الشله اللي بسأل عليها بجد و بعدين انا قررت اصالح كل اللي متخانقين علي بعض في الشله ف عرضت علي صحابها اللي كانوا قريبين منها أنهم يتصالحوا و وافقوا و كلمتها و حساها هتموت من الفرحه أنهم هيرجعوا يتكلموا بس ده مزعلني اوي لأنها كده هترجع تقرب اوي منهم تاني المهم اني كاتبه الكلام ده علشان بجد عايزه اعرف اشمعني هما اللي بتفضلهم؟ بجد مش بيعملوا حاجه زياده عني ده وقت ما كلهم بعدوا عنها كنت أنا الوحيده اللي جنبها و بسأل عليها ليه معرفتش قيمتي برضو؟ انا من زمان وانا لما يتخانقوا اقرب ناس ليها انا اللي بتدخل واصالحهم علي بعض و اشوفهم و هما بيرجعوا يتكلموا و يقربوا من بعض وانا من جوايا هموت من الغيره بجد بس بعمل كده علشان انا فعلا بحب صحابي و مش عايزه حد يشيل من حد ف ليه بجد معرفتش قيمتي و ليه بجد مش مقدره اي حاجه عملتها و بعملها علشانها؟ بجد حقيقي انا فعلا خساره فيها و في اي حد زيها مش عارف قيمه اي حاجه بعملها علشانه

10

6