ليه مش قادرة انسى صاحبتي اللي اتخلت عني؟

Question

انا صاحبتي اتخلت عني فجأة ومع ذلك مش قادرة انساها ليه علطول فاكرة مواقفنا سوا وكلامها حد ليه تجربة بالموضوع ده نفسي انساها لأنها زعلتني جداً لما اتخلت عني وكانت بتتجاهلني في الآخر بمسدجاتي نفسي انساها حد ليه تجربة بالموضوع ده

Mushroom_35310 🇪🇬 · Answer

الحل هو انك تتعرفي على صحاب جداد حوالي دايما تكوني صحاب كتير حواليكي وخلي المفضل و الزميل و حطي كل حد في مكانه الى يستحقه و كمان حاولي تعرفي عيوبك الى ممكن تخلي الناس تبعد عنك و صلحيها ودا هيريحك لان حتي لو اتغريتي و برضو في ناس بعدت ف هتكوني عرفه انك عملتي الى عليكي وبس

Strawberry_40044 🇪🇬 · Answer

الموضوع انها كانت قالتلي عمري ماهبعد عنك وبعدت فجأة بدون اسباب لما جيت أسأل عليها
قعدت أسأل عليها كتير وهي اتحاهلتني بالعكس 
بالعكس كان تعاملنا كويس مع بعض وكانت قريبة ليا

Strawberry_29159 🇮🇹 · Answer

الدنيا مش بتقف على حد 
الباعك مينفعش تفكر فيه حتا

Strawberry_42217 🇪🇬 · Answer

حاسة بيكي جدا والله بصي اتصاحبي  علي ناس جديدة و اوعي تباني ضعيفة قدامها لان هي عارفة انك بتحبيها و مش هتعرفي تكملي حياتك عادي من غيرها ف انتي اثبتيلها عكس ده و اما تشوفيها قولي السلام عليكم وامشي و لو اتجمعتوا في مكان مثلا تتعاملي طبيعي جدا و بيني انك عادي من غيرها و اتصاحبي علي كذا حد و متوقفيش حياتك عليها 
و هي اللي خسرتك والله اهم حاجة متبينش زعلك ده ابدا قدامها و سيبك منها و مع.الوقت هتنسي

Cherry_40587 🇪🇬 · Answer

جربتي تكلميها وتواجهيها انها ليه تغيرت وبقت تتجاهلك؟ حطي ميت احتمال وارد حد حاول يوقع بينكم او هي سمعت حاجة عنك بس مش عايزة تواجهك وارد تكون مشغولة او عندها مشكلة عائلية وارد تكون نفسيتها مش احسن حاجة حطي الحلو قبل الوحش .. ولو حاولتي ومفيش فايدة محتاجة تعرفي انت ليه متعلقة بيها؟ اكتبي على الورق كل حاجة بخاطرك تجاهها واحرقيها التمرين ده بخليكي تتخلصي من المشاعر السلبية ناحيتها وفي تمرين التعلق

Cherry_40587 🇪🇬 · Answer

تمرين التعلق فعال جدا 
اقعدي بمكان هادي واعملي تأمل لمدة ٧دقايق وطريقته انك تتنفسي لمدة ٧ ث وتحبسي النفس ٧ ث وزفير لمدة ٧ث بعدها تخيلي انك انتي وهي واقفين قدام بعض وتخيلي انك في حبال طاقية كتيرة (بتلمع باللون الذهبي)بتربط بينك وبينها (ده تمثيل للتعلق) تخيلي ان معاكي سيف كبير او سكين وقطعتي الحبال دي كلها بقوة اعملي التمرين ده كل يوم لمدة اسبوع وهتلاقي تعلقك خف جدا .. اقعدي مع نفسك صفي حساباتك

Blueberry_42591 🇪🇬 · Answer

والله العمر مش بيقف عل حد والديره مستمره مش توقفى حياتك على شخص معين كل انسان بياجى ف حياتنا عشان رساله وبيؤدى الرساله دى ويمشى وماشيه الحياه ف خلاص هى رسالته وصلت رسالته انه جرحتك ومفروض تتعلمى من الموقف انك متديش حد اكبر من حجمو حتا لو كنتى بتحبى هى يمكن مبسوطه وانتي مش على بالها طب ولى تفكرى فيها اقنعى نفسك انك تستاهلى الاحسن وديما افتكرى الموقف ال عملتو معاكي و بتدريح نظرتك ليها هتتغير.