ليه مش راضيه عن شكلي وكل حاجه فيا؟

Question

السلام عليكم 
جماعه ليه نفسي ابقي دايما حلوه اوي اوي وابقى مبهره والي يشوفني ينبهر بيا ليه دايما مش راضيه عن شكلي ولا شخصيتي؟؟ 
ليه دايما شايفه اني وحشه واني لازم اعمل جلو اب وابقى البنت التحفه عشان ارضى عن نفسي وارتاح بقا واعيش حياتي
ليه مصممه اتخن بالعافيه عشان يبقى جسمي كيرڤي وحلو والناس تعجب بيا ليه مصممه اخلي بشرتي بيضه ومفهاش ولا حبايه ولا هالات ولا اي حاجه عشان اقدر اعيش؟ ليه دايما بتهرب من اني اشوف حد عشان خايفه يقول عليا شكلي ف الصور والفلاتر غير شكلي ف الحقيقه وخايفه يقول اني فيك 
ليه دايما اقعد اتخيل اني هبقى حلوه واني دلوقتي لا انا مش حلوه
ليه بشوف كل البنات جميلة اوي واقعد اقارن نفسي بيهم ليه بشوف اني مش حلوه مع اني عاديه وعارفه ربنا مبيخلقش حد وحش وكلنا حلوين بس ليه؟
ليه حرفيا لو حد اعرفه سوشيال حب يشوفني بتخض واخاف من شكلي لييه
انا بكرهه طريقة تفكري دي واني مش مقتنعه بحاجه فيا بس دي الحقيقه الي اكتشفتها ف نفسي واني مش راضيه ب اي حاجه فيا.. 
وتفكيري مريض وكل همي الجمال والحلاوة وابقى البنت الي مفهاش غلطه حتى مع ان لسه سني صغير ومش هاممني الجواز دلوقتي انا لسه
ممكن تنصحوني اعمل ايه🙂

Ice Cream_56999 🇪🇬 · Accepted Answer

عشان البنت دايما بتحب تبقى حلوة .. زي ما الراجل بيحب يبقى جدع

Tomato_76090 🇪🇬 · Answer

يعني هنفضل كده 🤷🏻‍♀️

Carrot_74945 🇪🇬 · Answer

حبي نفسك يابنت الناس 
انتي لي تسمحي اني حد يحسسك انك وحشه 
حبي نفسك اتصالحي معها واطلعي واخرجي 
وملكيش دعوه الي يقول يقول 
انا ايام اتعرضت لتنمر بسبب اني ربنا خلقني في عيب في رجلي معه العلم بشتغل وبشقي وبعمل كل حاجه بنفسي ياعني مش محتاج حد يسند فاهمه 
بس حبيت شكلي ورجلي وبقيت فخور بيها 
والي ميحبكيش زي منتي ميتسهلش وجودك في حياتو
حبي نفسك ومتفكريش تكوني حلوه علي شان تعجبي حد كوني حلوه لنفسك وبس

Chocolate_52370 🇪🇬 · Answer

انا بنت وعادي تبقي عاوزه كده انا برضو حصل معايا كده بس اتغيرت كان بسبب التنمر و الكلام الجنبي التغير بيجي منك انتي زي اللبس و النظفه واهتمي بنفسك علشان انتي مش علشان حدوانا برضو رفيع واختي بتقولي كلام وحش بس بشوف من نحي اجبي ان دي حاجه حلوه والله ونعمه كبيره بعرف البس براحتي جسمي مش ملفت في انتي حسني جسمك من جوه مش تتخني علي فكره بتبقي حاجه وحشه بعدين..  لو عاوزه اي حاجه انا معاكي واسعدك في كل حاج

Orange_76089 🇪🇬 · Answer

عليكم السلام 
ممكن تقوي علاقتك بربنا اكتر لو قريبه خلي العلاقه اقوي لو بعيده ف قربي من ربنا اقري قران هتحسي براحه نفسيه رهيبه مش هيفرق معاكي حاجه وهتتقبلي نفسك وهتتصوري من غير ميكاب وفلاتر ومش هيهمك حاجة لانك هتقتنعي إن الشكل ماهوا الا مظهر أمام الناس فقط ربنا قال إلا من اتي الله بقلب سليم مقالش اللي هيجي حلو او تخين أو رفيع قلب اهم حاجه قلبك يبقي صافي وراضي راضيه من قلبك بشكلك وجسمك وكل حاجه ومع

Orange_76089 🇪🇬 · Answer

ربنا يكملك بعقلك انا كنت رفيع وكنت بسمع كلام وتنمر مع اني راجل عادي اي المشكله اني اكون رفيع بس الحمدلله ولا حاجه اثرت فيا دلوقتي تخنت وطلعلي كرش ويحاول انزل جيم وعادي يعني محدش كامل ياجماعه بس انا كنت راضي عن نفسي ونا رفيع اوووي وراضي عن نفسي لما تخنت شويه وطلعلي كرش كمان الحمدلله ف عادي يعني الحجات انا احب تربطها بعلاقتك بربنا ع حسب قوتها

Lemon_66502 🇪🇬 · Answer

حقيقي كلامك لمسني جدًا وحاسس بيكي.. بس صدقيني إنتِ مش محتاجة تبقي "تحفة" عشان تبقي مقبولة أو محبوبة، كفاية تكوني نفسك. كل واحد فينا عنده حاجة حلوة بتخليه مميز، حتى لو إحنا مش شايفينها بنفسنا.
اللي بيحبك هيشوف جمالك الحقيقي مش الصور والفلاتر، وهيشوف قلبك قبل شكلك.
متقارنيش نفسك بحد، انتي ليكي قيمتك وجمالك المختلف.
إوعي تسيبي أفكار سلبية تسرق منك راحتك وحياتك.
ربنا خلقك زي ما انتي وعارف إنك تستاهلي كل

Coconut_71798 🇪🇬 · Answer

محتاجه دعم حد يرفع من معنوياتك ونك تتقبلى الوضع وسيبك من وسوسة الشيطان مافيش ست وحشه واى حد شكلك مش عجبو متزعليش ده ربنا بيبعد عنك المنفقين الجمال جمال الروح والقلب
اما جمال الجسم ده مش بيجيب غير الطمعنين في جسمك مش روحك

Marshmallow_67691 🇪🇬 · Answer

علشان بتكرهنى نفسك ومش متقبلهامش مدركةان الجمال الحقيقى مش جمال الشكل لا جمال الروح وان لو انت جميلة من جوامى داه بيبان على وشك وومهما كنتى هتحسى انك مميزة وعندك تقبل بشكلك وهتحسى بسحرك

Chocolate_52370 🇪🇬 · Answer

بس حاول ترجع زي الاول احسن