ليه محدش بيعمل دوره يعني ليه السند بيتخلي و ليه الحنيه بتكسر و ليه الامان بيخوف و ليه الاحتواء بيعاير و ليه الونس بيحسسك بالوحده و ليه كل حد المفروض يبقي ليه مهمه ف حياتك مبيعملهاش ليه مبقاش عندنا طموح غير اننا ناكل و نشرب و ننام و نصحي و معانا اللي مكفينا ليه مبندورش علي الدفي و الامان و السند و التفاهم ليه النجاح درجات ف ورقه مش تميز و موهبه و ابداع ليه بقت افاقنا ديقه و حدودنا قريبه و مبقيناش بنغامر و نحاول و نسعي ليه بقينا نكسل حتي نعمل ذكري ليه مبقيناش نعرف نواسي هو الضغط زاد ولا احنا اللي مبقيناش نحس ببعض ليه بنجرح بعض ب كلام عارفين تاثيره علي اللي قدامنا ليه مبنقدرش المحاولات و ليه مبنحاولش نصلح بدل م نهد ليه بنعاير و بنكسر و بنزل ليه بنسيب و ليه بنخدع و ليه بنزهق و ليه اصلا طالما هنعمل كل دا بنعلق نلس تانيه بينا طالما عارفين اننا مش هنعرف نديهم احتياجاتهم...... يا ريت نتعلم نكون اسوياء نقدر و نحترم بعض و نواسي و نحتوي و نفهم بعض يبقي بينا لين و موده و مشاعر طيبه منتعلمش القسوه و نشبع قلوبنا منها لو مش هتدي تاثير ايجابي متديش تاثير سلبي لو مش هتعرف تسند و تصلح متهدش من الاول لو مش هتعرف تجبر بخاطر حد اسكت لما تتعصب اتعلم متجرحش الزعيق و انك تقول اللي مدايقك مبيجرحش انك تقول كلام ممنوش لزوم مش هيحل ولا هيغير حاجه غير انه يوجع لمجرد الانتقام اسكت لوم و عاتب ف هدوء عشان تحافظ علي غلاوة الناس عندك و غلاوتك عندهم اتعلم تبقي سوي و صريح و واضح و هين مع الناس متعلقوش لبعض المشانق ياما بنغلط و ياما ناس بتسامحنا اتعلمو تسلمحو اتعلمو تعفو اتعلمو تجبرو اتعلمو تبقو اسوياء و كل حد يبدا بنفسه هنتحاسب لواحدنا متستناش تمشي مع الجماعه لو هما كلهم غلط خليك انت الصح و حسن من نفسك لنفسك و بس

8

2