ليه محدش بيتكلم عليا وعمري ٢٢ سنة؟

Question

لو واحدة عندها٢٢ سنة بس مش بيجيلها عرسان او مثلا ممكن حد يعجب بيها بس ماحدش اتكلم عليها قبل كدا ده معناه ايه .. انا كدا وحشه محدش يتريق ع السن بس انتو مش شايفين كل اللي حوليا يعني

Strawberry_16666 🇪🇬 · Accepted Answer

مين قال إن الجواز متعلق بالبنت الوحشه و الحلوه؟!
انتي جميله كل الموضوع لسه ملقتيش نصيبك و لسه محدش عرف قيمتك كويس♥️

Cheese_16355 🇪🇬 · Answer

لا ابدا انتي مش وحشه كل الي فيها أن نصيبك لسا مجاش و دا بيبقي رزق ف ايد ربنا ملوش علاقه بالسن انتي ادعي بالزوج الصالح و خلي عندك يقين أن ربنا هيرزقك بيه 💙

Orange_15136 🇪🇬 · Answer

سؤال انت بتسألى عشان شايفة نفسك و حشة و لا عشان مقلقة من أن مفيش عرسان؟ لأن انت كده المفروض بتبتدى حياتك لسه فا ماتقلقيش

Strawberry_15604 🇪🇬 · Answer

لا انا شكلي حلو عادي انا واثقه في كدا بس مش عارفه

Banana_16782 🇪🇬 · Answer

بصي يا فراولة انا كعمر اصغر منك وكجنس غيرك فا مش هقدر انصحك تماماً نصيحة من الناحية دي بس هنصحك من الناحية الدينية يا بنتي ده نصيب وقداء وقدر ودايماً افتكري(لن يُصيبنا الا ما كتب الله لنا)وبعدين انتي لسه صغيرة انك تقلقي وتحسي بده دلوقتي فا ده اكيد نابع من ان في حد بعقلية غبية بيتريق او بيتكلم او ان صحباتك كلهم اتخطبوا بس صدقيني والله متشغليش ده بمخك الاسلام جعل المرأة مطلوبة وليست طالبة (هكمل في اخر)

Orange_15136 🇪🇬 · Answer

خلاص مقلقة من ايه بكره نصيبك هيجى

Banana_16782 🇪🇬 · Answer

فبتالي العلاقة الوحيدة الي تشيلي همها هي علاقتك بربنا الي هتوصلك لكل شئ في الدُنيا دي من زوج حسن الي جنة الفردوس الاعلي في الاخرة

Strawberry_15604 🇪🇬 · Answer

شكرا يا موز ايوه فعلا اصل معظم صحابي مخطوبي او متجوزين ف حاسه ان العيب فيا ؟

Avocado_16786 🇪🇬 · Answer

فسنك اعتقد في حاجات اهم بكتير تشغلي بالك بيها دلوقتي انا متفهم الفراغ العاطفي الي ممكن يكون في احساس بي لكن احتسبي ده عند ربنا هوا شايلك الاحسن ربنا يوفقك انتي جميله 🌸

Strawberry_15604 🇪🇬 · Answer

هو انا بشوفني حلوة بس بحس ان انا كدا فيا حلجه غلط فهماني

Strawberry_15604 🇪🇬 · Answer

يارب يارب ادعيلي بالله يا افوكادو❤️

Strawberry_15604 🇪🇬 · Answer

انا حاليا لسه متخرجتش يعني خلاص باذن الله شهر واتخرج بس خايفه العمر يعدي بيا وانا في رعب من حته اني اتاخر في الجواز لان اعرف ناس في التلاتين ومش متجوزين ف بقول لا انا مش عايزه ابقى كدا .. طبيعي كاي بنت عايزه تفرح وتخلف وحاسه اني بسابق الوقت عايزه اهلي يكونو حواليا وانا بفرح .. فاهمني؟؟

Strawberry_16666 🇪🇬 · Answer

لا مفكيش حاجه غلط في ناس كتير بتاخر في الجواز و تبقي طبعها حلو و هي كويسه هو الموضوع موضوع نصيب و أن ربنا لسه هيخليكي تقابلي الإنسان اللي قدرك و بحبك بجد🤍