موضوع:

كيف تتعاملون مع الاب الغائب عاطفيا

خلينا متفقين إن كتير جدا من الأبهات إن مكنش كلهم مبيعرفوش يعبروا عن مشاعرهم، ولكن حرفيا لو ركزنا شوية هنحس بيهم بيحاولوا علشانا، بابا يمكن نادرا جدا لما بنقعد سوا يمكن بشوفه وهو نازل ويادوب صباح الخير، ولو قعدت معاه بنفضل ساكتين كده وشنا في وش بعض😂، بس بعدين أدركت إني لو انتظرت خطوة من بابا فحرفيا هو في باله مليون حوار ومش مسئول عني لوحدي لأ مسئول عني وعن اسرتي واخواته وغيره، فليه مبدأش أنا، وفعلا بقيت أنا أتكلم حتى لو هو مش مركز بزعل آه بس بقول عادي جاي تعبان من الشغل ونفسه يريح شوية مثلا، حرفيا إن أقول لبابا يا غالي أو يا حبيبي كانت تقيلة على لساني أوي لأني متعودتش، بس هفضل فاكرة إن الأب مش شايل مسئولية نفسه بس لأ شايل مسئولية عيلة كاملة مهما كان سلوكه أو طريقة تعبيره عن مشاعره، احنا نبدأ هما اتعودوا على كده فاحنا منتعودتش زيهم ومنقدرش نشارك أولادنا واولادنا يبقوا شبهنا وهكذا لازم نكسر الدايرة ونخرج منها بأفضل حاجة عندنا.

10

0