ليه الولاد يقدروا يعملوا الحرام والبنات لأ؟

Question

ليه في تفرقه فى المعاملة بين البنات والولاد. حتى الحاجات الحرام بيحللوها للولاد؟
السنة اللي فاتت اختي الكبيره اهلي عرفوا انها بتكلم زميل ليها. أخويا ضربها ووالدي أخد منها الموبايل ومنعه عنها شهر.
السنادي أخويا اللي ضرب اختي عرفنا انه مصاحب زميلته في الجامعة ومقضيها خروجات ومكالمات ووالدي ووالدتي عارفين ومحدش عمل حاجه.  والنهارده بسأل ماما هو عادي ده يحصل اشمعنا اختي انضربت واتعاقبت.  قالتلي هو ولد!

Hazelnut_52786 🇪🇬 · Accepted Answer

للأسف دا مجتمعنا ودي تربيتنا ودا العرف اللي أتربينا عليه

Pumpkin_42200 🇪🇬 · Answer

هيا من منظور الأهل كده

Tofu_28797 🇪🇬 · Answer

ده مفهومهم عامة الاهالي دماغهم تعبانة ف الحوار ده م انا اخويا بيضربني و بيهزر معايا بضرب شديد و محدش بيعملو حاجة اصله "" بيهزر معايا انما انا مليش حق ف اني اشتكي لأنهم شايفين ان ده عادي و انا اللي بأڤور و اكبر الحوار

Hazelnut_52503 🇪🇬 · Answer

بصي لازم يكون في تفرقه الشرع فرق ما بينهم بس اللي الأهل عملوه غلط هو ده حرام ع الولد و البنت أما بتفرق في حاجات امال ليه الرسول مكنش بيخلي النساء يجاهدو و الرجال بس اللي بتجاهد ف لازم نكون عارفين إني مش احنا اللي بنتحكم ف نفسنا ولا ف بعض احنا ليما دين يحكمنا واللي الشرع حرمه ع الولد والبنت حؤام عليهم و اللي حرمه ع الولاد بس حرام عليهم و هكذا

Donut_25498 🇪🇬 · Answer

طبعا اختك واخوكي الاتنين غلط 
هو ولد فا عادي يكلم بنات ويخرج طب ما كما تدين تدان حتي لو كان اختك هي  الي عملت كدا  الاول بس هو بيعمل ف البنات زي ما حصلها لو انتي قادره تكلمي وتعريفهم دا قولهم 
انتي واختك كونو صحاب ودافعوا عن بعض  هونو ع بعض لحد مايجي الأشخاص الي تستاهلكو وربنا يعنيكو
ومع الاسف دايما الاهل شايفه أن في فرق بس ربنا يتولنا

Durian_52455 🇪🇬 · Answer

فى الأجيال اللى قبل كدة.. الموضوع كان اسوأ بكتييييييير
وكان فيه تمييز واضح وصريح بين الولد والبنت فى معظم البيوت المصرية
 ولحد دلوقتى لسه مازال موجود بس بدأ يكون فيه وعى شوية

اما بالنسبة لسؤال "اشمعنى"
فـ حتى لو عرفتى الأسباب ورا التمييز ده مش هتغيرى حاجة
طيب والعمل ؟

Durian_52455 🇪🇬 · Answer

مهم انك تعرفى.. انو كلنا فيه حاجات اتربينا عليها غلط
(مش انتى لوحدك اللى بتمرى بـ ده).
تانى حاجة، لازم يكون عندك وعى، وعلشان تعرفى اذا كان أهلك اتصرفوا فالموقف ده صح ولا غلط.. (حلال ولا حرام)
تالت حاجة، تقبّلى إن دول أهلك.. أمر واقع (مينفعش تُحكمى على أسلوب تربيتهم من باب الإحترام ولا ينفع إنك تغيريها)
رابع حاجة، الصبر، الصبر، الصبر هيساعدك تتخطى المواقف الصعبة اللى فى حياتك عمومًا (أهلك مش هيعيشولك)