طول عمري بهون علي الناس وبحتويهم وبسمعهم وبحس بيهم وبحاول اطلع المشاعر السلبيه اللي جواهم، بس انا مين هيحس بزعلي او غضبي من غير ما اتكلم زي ما بعمل مع الناس؟! مين هيهون عليا ويحتويني او حتي يساعدني اطلع الطاقه السلبيه والغضب اللي جوايا انا اه مبعرفش اتكلم بس بجد تعبت م هفضل دايمًا اجي علي نفسي واكتم غضبي وزعلي جوايا كل مره بكتم عصبيتي وافضل اهدي ف نفسي عشان عارفه ان عصبيتي وحشه وهتولع الدنيا اكتر بس خلاص مبقيتش قادره اكتم جوايا اكتر من كدا متأكده هيجي مره وانفجر زي البالونه وهكرهم فيا اكتر واخليهم يشوفو عصبيتي اللي بجد اما انا علي كدا واسلوبي وحش وعصبيه اومال لما يشوفو اللي كتماه جوايا هيقولو ايه بجد عايزه افهم ليه مينفعش نفرغ شعور الغضب او الحزن او الفرح او ايًا كان الشعور ايه ليه مينفعش نطلعو كلو فالموقف نفسو ليه بنكتمو ونيجي علي نفسنا لغايه ما نجيب آخرنا؟! بس يعني الدنيا حلوه وعادي هكتم جوايا برضو وكلو هيبقي تمام

8

0