انا ولد في الجامعه في سنه تانيه في بداية الدراسة في اول سنه كنت باعت علي جروب الدفعه بسأل علي حاجه فا في بنت ردت عليا علي الجروب فا بعد كدا لقيتها بعتتلي private علي الواتس بتقولي مش فاهمه فين سؤالك المهم يعني شرحتلي و بعديها بكام يوم في الجامعه لقيتها جاتلي و قالتلي علي السؤال كانت فهمته اكتر فا جات تكلمني عليه و شرحتهولي و بعدها بفترة كنت بقلب في السجل بتاع مكالمات التليفون بتاعي فا لقيت رقمها كان عاملي missed call بس من فترة بس انا مكنتش رديت عليها ساعتها لاني مش مسجل الرقم و مركزتش لما لقيت الmissed call ساعتها بس بعدين اكتشفت انه كان رقمها فا المهم بعد كدا كنت ساعات ببعتلها واتس أسألها علي حاجه في المذاكرة او اقولها انتي خلصتي مذاكرة محاضرة كذا او كدا و تمام بس لقيتها عملالي بلوك و الرسايل مش بتوصل فقولت في الجامعه ابقي أسألها ليه عملالي بلوك و فعلا في الجامعه روحت سألتها فا قالتلي انها كانت ثانويه مش مصريه فا في ارقام غريبه كانت بتتصل بيها فا اخوها عملها خاصيه علي الواتس ان الارقام الغريبه اللي علي الواتس لما تبعتلها رسالة متوصلهاش بس الارقام اللي هي مسجلاها بس هي اللي لما تبعتلها رسايل توصلها و قامت قايلالي هسجل رقمك بس اللي انا عارفه ان الواتس مفيهوش خاصيه كدا ما علينا جيت ابعتلها واتس تاني بعدها بكام يوم برضو لقيت الرسالة مبتوصلش فروحتلها تاني قامت قالتلي نفس الكلام و قالت حاضر هسجل رقمك قولتلها انا ضايقتك في اي حاجه عشان كدا عملالي بلوك ؟قالتلي لا خالص و انا اضايق منك ليه انت عملتلي ايه و برضو الرسايل مبتوصلش فقولت ابعتلها علي التليجرام أقولها علي موضوع البلوك قعدت فترة مبتردش و لما لقيتها مبتردش مع انها بتفتح التليجرام قومت قايلها اسلوبك وحش و زي ما انتي متحبيش حد يعاملك كدا متعامليش حد كدا راحت عملتلي بلوك علي التليجرام ، انا عايز اعرف انا عملتلها ايه و ليه بتتعامل معايا كدا و ليه اتغير(هي مكنتش قريبه مني و لا حاجه بس كانت زميلة عادي ساعات بكلمها) و للعلم هي مش محجبه و في الجامعه عادي ساعات بلاقيها بتسأل ولد علي حاجه او بتكلم ولد (مش بتكلمه بمعني انها ماشيه معاه بتكلمه عادي كزماله) و انا عموما ببقي عايز استفهم لو حد عاملي بلوك ليه عمل كدا يعني كذا مره حد زميلي في المدرسة او الدروس يعملي بلوك او الاقيه بيبعد عني احاول افهم منه ليه بيعاملني كدا فا انا عايز افهم هي ليه بتعمل كدا؟

3

11