مش عارفه ليه أول ما حد بيبدأ يحكيلي مشاكله بقفل منه (بالذات لو لسه متعرفين على بعض) ممكن أسمع للآخر وأنا كده كده مُستمع جيد وبتفهم وبعرف أساعد وأقدم إقتراحات وحلول بس لو مثلاً كان في بيني وبين حد مشروع إرتباط، أو حد كنت معجبة بيه مثلاً وبدأنا نتكلم.. أول ما بيفتح بوقه ويشكي ويبكي، بشيله علطول من زوون الإرتباط واللڤلڤة وبدخله في زون العلاج النفسي وأنا ببقى الثيرابيست في القصة كلها.. وبرضه لو واحدة أو واحد ومتصاحبين عادي، وحسيت فيهم موضوع الشكوى أو التذمر، بحطهم في خانة المستشفى النفسية وبعاملهم على هذا الأساس.. مش بعاملهم كأصحاب لا! علشان بحس إن أنا بقيت الثيرابيست وهو المريض، فدي مش علاقة طبيعية وسوية ومتساوية لا، بالذات لو الموضوع مُتكرر وبنفس كل حاجة. وعلى نفس المنوال.. أنا مبشتكيش لحد، وعمري ما حكيت مشاكلي لأي مخلوق، خصوصًا لو الشخص شيفاه صاحب مناسب وعايزة أكمل في الصداقة دي.. لكن ممكن أحكي مشاكلي لناس زي اللي في الآب هنا مثلاً، لإنها كده كده فضفضة فارغة ومش مستنية أصحاب من هنا، فمش مهم.

5

14