اخر بوستين نزلتهم من النوته الشخصيه بتاعتي كل لما اقرأهم احس بغصه فقلبي واتخنق جامد ولا انكر اني اوقات ببكي لان منهم اللي كنت بحكي فيه عن جدي رحمه الله عليه طب لما هما مضرين ليا كدا انا سايبهم ليه طب بلاش سايبهم بقراهم ليه ويقلبوا مزاجي لان ببساطه هو الانساسن كدا بيحب يشيل نفسه حاجات هو ملوش اي ذنب فيها وللاسف دا قمه الغباء ليه اجلد نفسي على حاجه مليش يد فيها ولا حد يقدر يغيرها يريت لو حد فعلا بيعمل كدا يفوق لفنسه ويركز ان داغلط غلط جدا انك تكون حابس نفسك فالماضي لا انت هتعدله ولا هتعمل حاجه فالحاضر طول مانت متعلق بيه لازم تركز ع حياتك دلوقتي لان هي دي اللي لما تستغلها صح لما تبقا ماضي هتبقا ذكرى كويسه ليك طب انا ليه سايب دول ببساطه انا كان عندي حاجات كتير جدا كنت بكتبها وانا مخنوق وكنت محتفظ بيها بس اللي لقيت ان ضرره اكبر من نفعه بل ملوش نفع اصلا مسحته خالص لاني لو رجعت اقرأه هرجع لنفس النقطه تاني وهفضل واقف مكاني الاتنين دول انا سايبهم لان واحد فيها جزء جميل من حياتي وبفتخر اني تخطيته والتانيه ذكرى حلوة مع جدي الله يرحمه اللي كان صاحبي اكبر ما هو جدي سايبها عندي عشان كل ما اقرأها ادعيله انا اسف ليك يصاحبي لاني انشغلت عنك وبقالي كتير مزورتكش واسف لاني اوقات بنسا ادعيلك فصلواتي بس يعلم الله انك كل ماديجي على بالك ادعليك الله يرحمك يصاحبي اسف على الاطاله يارب الكلام يفيد ومتنسوش جدودي من دعائكم

9

2