موضوع:

حد حسيت نفسك الشخصيه الشريره فقصته

مش عارف ليه بس بحس اوقات كتير اوي ان انا الشخص الشرير في حياة الناس اللي اعرفها، دايما بلاقي نظرات لوم وعتاب شديدة سواء مباشرة او من تحت لتحت كدا، يعني اي حد كان بياخد رأي ليا في موضوع _ودا كان نادر جدا _ كنت بحاول اتجنب اقول رأيي الصراحة بس لو اضطريت بأكد دايماً ان انا مش متأكد وانه مياخدش كلامي ويعمله وخلاص وانه يحاول يراجع ايه اللي ممكن يحصل بعد كدا من الاخر يعني مش عاوز ابقى انا المسؤول عن اللي ممكن يحصل، وبرغم اني مش عارف دا صح ولا لأ لكن بردو لو حد عمل اللي بقول عليه بيرجع يلومني ويقول ان انا السبب ورا دا، غير ان في ناس بتقطع علاقتها بيا اصلا حتى لو اللي حصل كان كويس وأحسن من اللي كان ممكن يحصل في احتمالات تانية، المهم اني دايما بلاقي اني شرير في حياة كل اللي حواليا حتى اهلي.. غير اني بسمع اوقات اني مش بحب الخير لحد واني مش بتمنى الخير لحد _ وربنا يعلم ان دا مش صح وقد ايه انا بفرح للناس بجد _ معرفش بس يمكن ملامح وشي بتبين عكس اللي جوايا... وكفاية لحد هنا...

5

2