السلام عليكم و رحمة الله و بركاته ، مبدئيًا انا مشكلتي غريبة شوية و معرفش سببها فياريت لو حد يعرف سببها او عدا بتجربة زيها يقولي ، انا بنت عندي 17 سنة ، من فترة كان في زميل ليا معجب بيا و كان عايزنا نرتبط و كده بس انا رفضت قولتله ان حرام و موافقتش ابدًا ، بس في الوقت اللي هو قالي فيه انه معجب بيا قعدت اعيط كتير بدون سبب و ساعتها ولا كنت فرحانة ولا كنت متضايقة ، حرفيا عيطت بالساعات و كنت بحاول مكونش في المكان اللي هو موجود فيه ابدًا ، اي مكان كان بيبقى هو فيه كنت حرفيا بهرب من المكان ده و انا مش فاهمه انا ليه بعمل كده ، و بعدين الحمدلله حاولت اتأقلم و اقنع نفسي ان ده عادي و اني مهربش من الأماكن اللي بتجمعنا احنا الإتنين و كده و الحمدلله الموضوع ده عدا و انتهي ، الفترة دي بقى في شخص تاني بدأت احس انه معجب بيا و بردو جايلي نفس الإحساس اني لازم اهرب معرفش ليه و معرفش من ايه بس لازم أهرب ، مجرد الإحساس انه في شخص معجب بيا ده بيخليني اهرب من اي شخص حرفيا و انا مش عارفه ليه فياريت لو حد عنده تفسير يقولي لإني بعاني من كده بقالي فترة كبيرة

11

7