ليه عايزين تطلقوا وفي بينكم أطفال؟ نصيحة مهمة

Chilli_29955 🇪🇬

منذ 5 ساعات

شعور منزعج

الكلام دا لأي اتنين متجوزين وعايزين يتطلقوا خد تعالي انت هنا وتعالي با خالتي انتي كمان بدل ما اجيبك من شعرك 😅عايزين تطلقوا ليه هااا مش كنتوا بتموتوا في بعض ايام الخطوبه ايه اللي حصل؟ البنت أصله مش بيهتم بيا اصله كذا اصله كذا طيب خلينا نوضح ان اهتمام اي راجل في الخطوبه بيختلف تماما عن الجواز الخطوبه حب وعشق في المكالمات وغيره اما بعد الجواز بترجم الحب دا في هيئة أفعال بيدافع عنك قصاد اهله بيصرف عليكي بيجبلك حجات بتحبيها وبيوفرلك احتياجاتك ودا بالنسباله حب اما بالنسبه لحب البنت فتتمثل في حاجات مختلفه تماما بتشوف حجاتك ايه وتعملهالك بتهتم بتفاصيلك لو بتواجهك مشكله بتلاقي معاك حلول بتقف في ضهرك وخاصتا لو بينكم أطفال نيجي بقا للمشكله الأهم من دا كله انكم عايزين تطلقوا وفي بينكم أطفال حرفيا انتوا بتهدوا حياته من قبل ما تتبني اصلا عمركم فكرتوا ولو لثانيه واحده نظرة طفلكم لاسره وشايف الاب بيضحك مع أولاده وزوجته وحياتهم مستقره حرفيا الطفل دا الدنيا بتسود في وشه طيب انتى تعرفي انك لو اطلقتي في ازواج هتشرط عليكي ان طفلك دا يعيش بعيد عنك في بيت جده والطفل دا هيكبر ويتربي ويعيش اكتر ناس بيكرهم في حياته هما امه وابوه رجاء لو المشاكل اللي بينكم دي بتعدي عدوها، لو المشاكل دي ليها حل اقعدوا مع بعض بدون تدخل اي طرف تالت وحلوها مع بعض عدوا لبعض أولادكم ميستاهلوش منكم كدا للعلم انا مش متجوز بس حبيت ادي نصيحه لاخواتي المتجوزين ربنا يصلح حالكم جميعا ويوفق مابينكم

ليه الناس بتكذب؟ صدمتي مع خداع الكبار

حد عنده فكرة أيه مبرر بعض الناس للكذب؟؟ انا حد تطفولتى إمتدت معايا للعشرينات والسبب انى كنت بشوف الدنيا من خلال بابا وماما كانو بيخافو عليا جدا.. أفكاري متلوثتش فااا كنت حد بيصدق كل الناس وإنه محدش مضطر يكذب الدنيا حلوة ي جماعة .. لكن مع بداية إختلاطى الحقيقي مع عالم الكبار ودا كان من خلال الكلية.. ف الأول كنت مش فاهمة الدنيا اوى ولكن مع الوقت بدأت أكتشف إن معظم الناس واخدين الكذب إسلوب حياة، هنا بدأت أفكاري تتعارك مع بعض وبقيت بتعامل بحذر مع الناس ، بس برضو مكنتش بستوعب فكرة إن الإنسان المخادع او الكذاب عايش وسطنا عادى وعنده أهل وأصحاب كنت بحس إن النوعية دى شكلهم وحش وأشرار وعايشين في مكان مهجور بعيد عن الناس،لكن الى كان بيحصل العكس دول بيكونوا أكتر ناس وشها برئ و بيكونوا مندمجين مع المجتمع جدا ويمكن كمان يدعوا إنعم ع قدر من الثقافة والتدين، فبالنوعية دى بتعرف تتفنن في الخداع والكدب يقدر يقنعك بأكتر قصة مش منطقية إنها تحصل ولكن هو بيكون مصدق نفسه ، لكن الحقيقة إن الناس دى أكتر ناس ضعيفة ومهزوزة وفاضيين من جواهم فبيعوضوا دا بالكذب وإدعاء امور مش حقيقية، من بابا أنا لا أكذب ولكنى أتجمل، بسبب كل دا وتفاصيل كتير تفكيري نضح بالصدمات بشكل غير صحى ومفزع كأن حد ضربنى ع دماغى، الأهالى بتهتم تعلم ولادها الخير والأخلاق الحميدة والجانب الكويس في الحياة بشكل عام ولكن لازم في التربية يكون فيه قدر من التعريف بالشر من باب العلم بالشئ وازاى الطفل يتعامل مع شرور البشر بشكل عام والكدب بشكل خاص من غير م هو يتضرر، لأن عدم معرفتى خلتنى أتخبط لفترة طويلة كنت بشك في اى كلام يتقالى بس مع الوقت بقا عندى شئ من التوزان لكن للأسف الصدمات دى نالت من جزء من قلبي وبوظته لسه قادرة أصدق ان فيه خير وناس كويسة بس مش زى الأول ومشكلتى الأكبر إن الناس دى مش معظمة قدر ربنا في قلوبهم ينطبق عليه الاية الكريمة "يستخفون من الناس ولا يستخفون من الله وهو معهم إذ يبيتون ما لا يرضى من القول" ...عرض المزيد

5 الدعم

8 نصيحة

٢٧ سنة كبيرة وعانس ومش هتجوز؟ اعمل ايه

السلام عليكم هل ٢٧ سنة كدة بقيت كبيرة وعانس ومش هتجوز خلاص وفرصى هتقل حقيقى ومش مرغوبه جاوبونى بصراحه ومتجاملونيش العريس اللى ييجى واقبله ميقبلنيش واللى مقبلةش يقبلنى وهكذا مفيش حاجة بتمشي اللهم لك الحمد اعمل ايه ؟ ...عرض المزيد

3 الدعم

22 نصيحة

مشاكل مع أهله بعد الزواج.. إزاي أتعامل؟

دلوقتي انا المفروض فرحي كان من اسبوعين وبعد كده طلعنا عملنا شهر عسل دلوقتي المفروض نرجع على بيت اهله وهو مش بيت عائله هو هو البيت نظامه عامل زي الفيلا وكل واحد ليه الاوضه دلوقتي المفروض انا اتعامل ازاي ولا حتى هتعامل مع سلايفي علشان منهم واحده كانت عايزه اخته تجوز جوزي وكانت بتعمل مشاكل معايا في خطوبه وانا كنت بتجاهلها ممكن ممكن حد يقول لي ازاي اتعمل ...عرض المزيد

4 الدعم

3 نصيحة