موضوع ان الراجل يتغير فجأة او يسحب نفسه بدون تفسير مسبق سواء في بداية ارتباط او بعد الجواز كمان ! حاجة منتشرة و عجيبة و لا أنا ولا ي بنت من صحباتي اللي حصل معاهم كده لاقيين ليها تفسير هل بيدخل كهف يفكر هو عايز ايه و عايز يكمل ولالا ؟ ولا بيفكر هو قد العلاقة دي ؟ ولا خايف من الارتباط و دي بداية هروب ؟ ولا اصلا البنت دي كانت ارضاء احتياج وونس بس و زهق ؟! ولا دا تلاعب عشان يحس انه مسيطر ودا كده توكسيك ؟ ولا مشغول بجد و معذور بجد !! يعني دا فعل طيب و حكيم انه بجد بيفكر و بيقيم و بيراجع حساباته و عادي ولا فعل شرير و توكسيك و تلاعب او قلة مسؤولية !! كل دي اسئلة نفسي اعرف اجابتها بس الحاجة الوحيدة اللي متأكدة منها ان اللي بيعمل كده ولا محترم نفسه ولا محترم اللي معاه لان ايا كان السبب ممكن تقول للبنت اللي في حياتك انا بس هعمل كذا اليوم دا او المدة و دي و هتشغل عنك او انا دماغي مشغولة عايز اقعد ارتب افكاري و تاخد وقتك لكن انسحاب بدون اي مبرر و تسيب اللي قدامك دماغها تاكلها دي قلة احترام .

4

7