هو ليه الإنسان مينفعش يكتفي بنفسه؟؟ بعد سنين كتير من المحاولة في الإندماج مع الحياة  أكتشفت انى مش عارفة اندمج مع واقعيتها بشكل كامل،أنا عيشت أوقات كتير من عمري في عالم خيالى خاص بيا ، مكنتش منفصلة عن الواقع  ولكن كنت بكمله بخيالى، وكنت بحس أنى فعلا سعيدة ومش لوحدى، صاحبت كل شئ صدقت إنى لما بقعد قدام البحر وبحكيله بيسمعنى وبيفهمنى، صاحبت الطريق خصوصا لو طريق طويل بفضل سرحانة معاه،  السما لما برفع عيني وببصلها بحس إنى طايرة، حبيت الورد وصاحبته بس مشكلته ان عمره قصير وأكتر حاجة صاحبتها الورق والقلم الرصاص عندى نوتس كتير من وانا طفلة كانوا بالنسبالى بوابة أحلامى مجرد م بكتب بحس إنى عايشة فعلا جوا حلم بكلم حد سامعنى وحاسس بيا، حد بنفس القلم الرصاص كنت برسم ملامحه ملامح معرفش صاحبها بس كنت بحس كأنه موجود فعلا ، كل شئ ورا بوابة أحلامى حقيقي بالنسبالى  بيفصلنى عنه انى بس أغمض عيني، قصدى من كل دا إن الإنسان ممكن يوظف كل شئ حواليه ف إنه يسعده.. لازم كل إنسان يكون عنده طريقة خاصة بيه وحاجات بيحبها تساعده يعرف يكمل في الحياة  من غير م يكون مضطر  يستسلم لواقع معين ويقبل بشكل حياة جامد بعيدة عن أحلامه ومتطلباته

3

11