ارجو التركيز و القرايه باهتمام يا سكاكر انا نزلت كلامي ده قبل كده بس هنزله تاني و هقولكم الردرد اللي جتلي و لغبطنتي اكتر اتمنى متقولش عليا فاضيه انا بس فضوليه و عايزه مبقاش هبله و اعرف اتعامل مع الحرابيق دول ازاي و اخرهم ايه. انا كنت مخطوبه عن حب سنتين المهم هو قرر يفسخ الخطوبه لأسباب سطحيه سناني عيني مناخيري و كلام عبيط كده و حجج بقى و خلع و كل واحد راح لحاله و فعلا انا مش فارقلي بربع جنيه .. في وقت الإنفصال اهله كانه ضدده في القرار خصوصا أمه و اخوه و مع ذلك محدش فيهم كلم اهلي اعتذر ولا حتى قالوا صباح الخير كأنهم مدخلوش بتنا .. كل ده و في ستين داهيه عادي بس ليه بعد شهر من الإنفصال اخوه يتصل بماما من رقم تاني من رغم أننا مبلكينهم و يتكلم عاااادي كأني مفيش حاجه حصلت و يبعتلي السلام كمان.. و بعدها بشويه بنت عمه تجيب رقمي الجديد ( انا غيرت رقمي اللي كان معاهم ) و تكلمني تطمن عليا و انا بصراحه قفلت معاها الكلام و رديت بشكل حازم حبتين و ليه بعد 3 شهور اخو يرن على رقمي القديم ( رقمي القديم مع اخويا فقالي أنه رن بس مسمعش التليفون) انا بس محتاجه افهم ايه اللي بيدور ؟ مع العلم علاقتي بأهله اها كانت كويسه بس مطولتش يعني يادوب كنا بنقرب روحنا انا و هو انفصلنا انا بس فضوليه جدااا و محتاجه اعرف هما ببعملوا كده ليه؟ الردود اللي جتلي تنحصر في تلات اجابات ياما اخوه عينه مني بس لو هو عينه مني مش المفروض عيب يفكر في حاجه زي دي خصوصا اني واخده اخوه عن حب مش صالونات و عارف عارف و مدرك اوي اني ذكيه مش هبله و مش هقبل اصلا بحاجه زي دي و هو اصلا أصلا طالب و مش مؤهل ليا حتى في المستوى التعليمي. الرد التاني و هو عايز يرجعلي و ده برده استبعده لانه هو وصل للخطوبه بعد معناه مع اهلي لاقناعهم و خوف وقلق و حوارات و كان مدرك وقتها انه لو فسخ الخطوبه مفيش رجوع تاني لو اتشقلب كده ده غير أنه عارف اني عنيده و قلبي قفل من ناحيته بنسبه كبيره والله اعلم ثالثا أنهم عادي عايزين يصلحوا العلاقات بس بالعقل كده اللي عايز يصلح بيدخل يعتذر مثلا او يعمل اي تصرف صريح يدل أنه عايز العلاقات تبقى كويسه بس ده اسمه شوق ولا دوق أو لعب كل فتره يبعتولي اشاره كأنهم عايزني افتكرهم😂

0

6