تخيل معايا انك بعد ما متّ -ربنا يبارك في أعمارنا جميعا- اتعرض عليك تتفرج على نفسك في يوم كامل زي النهاردة مثلا في فيلم تصويري.. ٢٤ ساعة كاملة بتتفرج على تفاصيل يومك كلها لكن عن بعد... تفتكر هتدي نفسك كام من عشرة؟ هتتفرج على نفسك وانت بتضيع ساعات -حرفيا- وانت بتتصفح الانترنت بلا هدف.. وبعدين تدّعي انك للاسف معندكش وقت تقرالك حتى صفحتين من القرآن.. تتفرج على صلاتك اللي من أولها لآخرها وانت غافل بتفكر في الدنيا.. تتفرج على الذنوب اللي انت عارف انها حرام ومع كده مصر تعملها عشان ترضي حد أو عشان تسلي بيها نفسك شوية.. والله يا شباب كلنا مقصرين وأنا أولكم.. وحقيقي محتاجين نراجع نفسنا ونرجع نرتب أولوياتنا في الحياة.. الجنة غالية ومحتاجة مجهود.. مش عايزة حد غافل لاهي بيتسحب منه عمره وهو مش واخد باله نفوق يا شباب قبل ما نشوف المشهد اللي ربنا بيحكي عنه في القرآن: " وَوُضِعَ الْكِتَابُ.. فَتَرَى الْمُجْرِمِينَ مُشْفِقِينَ مِمَّا فِيهِ، وَيَقُولُونَ: يَا وَيْلَتَنَا مَالِ هَٰذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا ۚ وَوَجَدُوا مَا عَمِلُوا حَاضِرًا ۗ وَلَا يَظْلِمُ رَبُّكَ أَحَدًا "

3

1