لو غلطت زمان.. أصارح الشخص الجديد ولا لا؟

Question

لو أنا غلطت زمان و حصل تجاوزات مع حد. لازم أصارح الشخص اللي بتعرف عليه دلوقتي ولا لا. أنا شخص متحفظ و اللي حصل زمان كانت غلطه و مش عايزاه يفهمني غلط او يحكم عليا حكم مش صح بسبب غلطه قديمه او نظرته تتغير ليا.

Marshmallow_31427 🇸🇦 · Accepted Answer

لا ، مش لازم يعرف نهائيا ، ربي ستر عليكي تروحي تفضحي نفسك بنفسك ليه؟ الله يتجاوز عنك ويغفرلك ويهنيكي بعلاقتك الجديدة❤️‍🩹

Mango_34633 🇺🇸 · Answer

طيب و لو هو سألني لو حصل حاجه زمان ولا لا اقوله لا و اكون بكدب ولا انه يسألني أصلا دي مش علامه كويسه؟

Cookies_28546 🇪🇬 · Answer

اللي فات انتهى مش من حق حد يعرفه🤍

Marshmallow_31427 🇸🇦 · Answer

لا طبعا مو ضروري تقوليله حتى لو سأل ، هي علامة كويسة او لا بناءً عليك انتي ، إذا انتي شايفتيها مش كويسة الخيار الك ، بس بنظري عادي ، حتى انا ممكن اسال هيك سؤال

Pineapple_30761 🇪🇬 · Answer

طب لو سألها؟ تكدب؟ مهو الكدب غلط ولو عرف بطريقه ما بعد كده هتعمل ايه؟ لو لقيتي حل لده ابقى انصحيها بكده

Onion_35047 🇪🇬 · Answer

الصراحه راحه هتكملى عمرك معاه وانتى مخبيه عليه؟

Mango_34633 🇺🇸 · Answer

هو نظرته ممكن تتغير و طريقته كمان، يعني ممكن يطلب مني حجات مش صح و يقولي مانتي عملتيها قبل كده اوي يبداً يعاملني وحش. ممكن أتقبل و احترم رغبته انه محتاج يعرف و أصارحه و لو مش موافق ممكن يمشي باحترام بس عكس كده ممكن يكون استغلال او حتي انه يتغير من ناحيتي دي حاجه وحشه

Mango_34633 🇺🇸 · Answer

ممكن ميدينيش الثقه بحجه اللي حصل زمان. ممكن حجات كتير اوي. أنا مش عارفه هو الصح اني اتكلم ولا اني اسكت. أنا اللي مخوفني رد الفعل ميكنش محترم و ان النظره تتغير عشان كمان أنا دي مش شخصيتي أنا شخص متحفظ و كويس و مش عارفه هو لما يعرف هيفكر فيا ازاي

Mango_34633 🇺🇸 · Answer

يعني اكدب و اقول محصلش ازاي و لو عرف من بره ايه هيكون منظري

Grape_34667 🇸🇦 · Answer

لامش لازم تقولي له دا من باب ستر المؤمن وانتي بتسترى نفسك

Apple_38816 🇪🇬 · Answer

لا متقوليش طبعاا ربنا امرنا بالستر حتى على نفسنا بقا ربنا يسترك وانتى تفضحى نفسك بنفسك ده اولا ثانيا ف لنفترض انك عرفتيه اى هيحصل حتى لو تقبل الموضوع دلوقتى مع اول مشكله هيرميهالك ف وسط الكلام بلاش ي حبيبتى وانسى الموضوع خلاص وابداى حياة جديده نضيفه وتوبى دايما واستغفرى ع الذنب اللى عملتيه