لو رجع بيا الزمن.. مكنتش هسافر أدرس برا مصر

Question

لو رجع بيا الزمن بالظبط ل ٢٠١٩.مكنتش حسافر ادرس برا مصر مكنتش حدخل مجال الطب الي ضيع بس عمري وانا قاعد ف مكاني متقدمتش خطوه عشان أحقق حلم مش حلمي 
شاب ١٨ سنه يسافر بلد غريبه لوحده وكل الي يعرفه الجامعه وبس و يدور علي سكن لوحده و بعد م اتأقلم يجي دكتور يتعندني لاني مصري ويسقطني ولما امتحن السمر يسقطني مع اني تقديري امتياز السنه الأولى والسنه الثانيه امتياز ف كل المواد ما عدا مادته 
وبسببك اتأخر سنه وبعدين احضر الحرب و يضرب عليا رصاص و قنابل في السودان ولولا ستر ربنا مكنتش حعرف ارجع مصر و لما ارجع رجعت بالنسبه لأهلي عباره عن كافر غريب عنهم كل حاجه بخناق وحاليا سايب البيت ليا سنه مشفتهمش

حجات كتير مبنيه علي قرار غبي قرار سفري للدراسه برا مصر

Tofu_19483 🇪🇬 · Answer

أنت سافرت السودان ؟
مكملتش طب لما رجعت مصر ؟

Coffee_71965 🇪🇬 · Answer

اكيد كملت ولكن عارف لما يبقي نفسك تفرح و عمر الفرحة م تزورك 
اهو ده حالي رجعت مصر و كملت و كله كان فل ولكن الي حصل اني حبيت واحده و قررت اخطبها وأهلي رفضوا و اشتغلوا شتيمه بقا كل م اكلمهم و بعدوني من اختي قالولي متكلمهاش تاني ف طبيعي الحاله النفسيه كانت زفت ف شيلت مواد ومعرفتش ادفع فلوس السمر كنت محوش مبلغ ولكن مكانش كفايه للمواد ف اطريت اعيد السنه 
حاليا متأخر عن دفعتي ٣ سنين

Watermelon_69433 🇰🇼 · Answer

ربنا يكرمك

Ice Cream_69885 🇪🇬 · Answer

ربنا يوفقك

Pistachio_64428 🇪🇬 · Answer

ربنا هيوقفك على رجلك وتنجح صدقنى