بعمل ذنب كبائر وحاولت أبعد.. انصحوني أعمل إيه؟

Question

لو انا بعمل ذنب من الكبائر وربنا يشهد عليا اني حاولت ابعد بدل المره الف وكل مره لما بفكر نفسي خلاص كدا بقيت تمام ابص الاقي نفسي رجعت من حيث لا احتسب وانا دعيت ربنا كتير اوي ان ربنا يبعدني ببعد فترة مؤقته وبرجع تاني انصحوني اعمل ايه

Coffee_33188 🇪🇬 · Accepted Answer

ولو اذنبت ف اليوم  ألف مرة وف كل مرة تتوب يغفر الله لك … أليس كلما اتسخ ثوبك غسلته … ف استغفر ل ذنوبك وتوب …الفكرة متيأسيش من رحمة ربنا … حاول بس لما تتوب عن الذنب ما تفكرش فيه تاني… اعتبر مثلاً انه اخر اسبوع ليك ف عمرك دا هيزود الخوف وانك تقلعي عن ذنوبك .. حاجة كدا زي (صلاة المودع) اللي هو بتصلي كأنها اخر صلاة ليك

Tofu_45397 🇪🇬 · Answer

أنا كمان محتاجه نفس النصيحه🥺💔

French Fries_32710 🇪🇬 · Answer

المهم انك تفضلي تتوبي و تنوي بجد انك مش هترجعي للذنب ده تاني و كملي دعاء و اوعي تيأسي من التوبة 
و خلي مثلا لو بعدتي عن الذنب ده مدة اربع ايام مثلا تكافئي نفسك لو مقدرتيش يبقى تتوبي و تصلي ركعتين و تقري صفحة قرآن لو رجعتي تاني يبقى صفحتين و هكذا و ربنا يهديكي و يهدينا جميعا يا رب

Tofu_45139 🇪🇬 · Answer

مهما تعمل افضل توب وادعي ولو عملت تاني توب وادعي وحاول تتغلب على نفسك عشان النفس أماره بالسوء أصلا

Ice Cream_45048 🇸🇦 · Answer

صلي والتزم بالصلاه انا كنت كدا وعملت برنامج للصلاه والحمد لله اتغيرت ولو حد عاوزني اساعدها ف دا يكلمني

Avocado_29696 🇪🇬 · Answer

ربنا سمى نفسو التواب عشان عارف انك هتغلط كل ما تتوب لحد ما تقدر تتوب وما ترجعش تاني عشان كده كل ما تعمل حاجه توب و

Mushroom_37159 🇪🇬 · Answer

انا كنت كده و ده بيكون بسبب الشيطان اقرا سوره الناس و الاخلاص و الفلق و الكرسي ٣ مرات و كل ما التفكير يجيلك فكر ف حاجه تانيه على طول و لو  معرفتش اقرا السور …… تدريجي الموضوع هيقل

Potato_31970 🇪🇬 · Answer

ربنا سبحانه قال ف سوره غافر: غافر الذنب وقابل التوب شديد العقاب ذي الطول لا اله الا هو اليه المصير وده معاناه ان ربنا يغفر ما سلف ومن الذنب ويقبل التوبه 
وفي سوره البقره: ان الله يحب التوابين ويحب المتطهرين
وفي سوره الفرقان: الا من تاب وعمل صالحا فأولئك يبدل الله سيئاتهم حسنات وكان الله غفورا رحيما 
وايضاً: ومن تاب وعمل صالحا فإنه يتوب الي الله متابا

Potato_31970 🇪🇬 · Answer

قال رسول الله: الله يبسط يده بالليل ليتوب مسيء النهار، ويبسط يده بالنهار ليتوب مسيء الليل حتى تطلع الشمس من مغربها هذا من جوده وكرمه أن يتقبل توبة عباده ليلا ونهارًا ويداه مبسوطتان بذلك

Potato_31970 🇪🇬 · Answer

فلا تيأس وفالله لا يمل حتي تملوا 
وعليك بقيام الليل وادعي من قلبك بجد