ليه المجتمع بيحكم عليا بالعنسه وانا عندي ٣٠ سنة؟

Question

لما لاقيت نفسي بكبر يوم عن يوم ووصلت ل ٣٠ سنة ، وانا لسه ربنا مكرمنيش اني اتجوز ،، 
لدرجة ان اصحاب امي وانا عندي ٢٨ سنة بيقولولها مش هيجيلها غير شخص اربعيني واكبر معتش هيجيلها اصغر من كدا ، 
مع العلم انا بشتغل وبصرف ع نفسي وبنجح ف اي مكان بروحه و د بفضل ربنا عليا ومش ف دماغي الموضوع ، لس لمجرد ان سني بالنسبة لهم كبر فانتي كدا عنستي ومعتش هيجيلك حد ، مش عارفة ليه دخلوا ف حكمة ربنا ..

Sugar_66093 🇪🇬 · Accepted Answer

لو انتي من اسكندريه هجبلك عريس محترم يسكتهم كلهم 
بس بجد يعني رزقك موجود بس كله بيجي ف وقته

Chilli_67395 🇪🇬 · Answer

شهادتك ايه عندي عريس بجد 32 سنة

Donut_68128 🇪🇬 · Answer

Engineering, 
بس انا مش كاتبة الكلام دا عشان كدا ، صدقوني فعلا مش دماغي 
انا رديت بس عشان اوضح فكرة انها مش بالشهادة هي بالقبول ..

Chilli_67395 🇪🇬 · Answer

ماشاء الله باشمهندسه ، عارف يا بنتي بس هو فعلا ليا صديق كان بيدور علي عروسه من شهر كدة وهو كان رافض الجواز خالص هو كلية طب بيطري

Donut_68128 🇪🇬 · Answer

ربنا يبعتله نصيبه واللي تستاهله يارب

Donut_68128 🇪🇬 · Answer

لا مش من اسكندرية ، شكرا ليك/ي

Sugar_66560 🇪🇬 · Answer

بقولك ايه فكك من اي كلام حد يقولهولك نصيبك حيجيلك لحد عندك انتي بس اشتغلي علي نفسك وانجحي اكتر واعملي علاقات وأصدقاء وسيبي اثر حلو في كل مكان والباقي بقي بتاع ربنا وخليكي واثقه ف نفسك دايما واعرفي ان الحلاوه مش في الشكل في الروح صدقيني وطول ما روحك حلوه حتلاقي الي بيجي لحد عندك

Chilli_67395 🇪🇬 · Answer

مش موافقه عليه ؟ طب بيطري وحشه بالنسبه لمهندس ؟؟

Popcorn_68444 🇪🇬 · Answer

النصيب بييجي في وقته إن شالله لو ٥٠ سنة..متسمعيش لحد
و بعدين ما ياما ناس اتجوزوا صغيرين و اتطلقوا و معاهم أطفال و عايشين حياة بائسة..هو مش سباق و اللي يلحق..مفيش حاجة متأخرة و مفيش حاجة بدري، كل حاجة بتحصل في وقتها المظبوط 👌