عايدته مرتين وهو نسيان عيد ميلادي 😤

Cookies_25519 🇪🇬

منذ 10 أشهر

شعور ضائع

موضوع:

اكتشفت ازاي أن الطرف التاني بيحبك / مش بيحبك؟

لما عايدته ف عيد ميلاده هو عرف عيد ميلادى كمان وقالى هحفظه عشان ابقى اعايدك وماعايدنيش مع انى عايدته مرتين ورا بعض بس هو لا عشان عيد ميلادى بعده بكام شهر ف شلته من كل حتههه بس بجد والله الموضوع بيفرق جامد

زعلانة من صحبتي اللي مهنتنيش بعيد ميلادي

احنا صحاب مدرسه من واحنا صغيرين صحبتى السنه دى مهنتنيش بعيد ميلاد رغم أنها عارفه و شافت البوست و مقاليتش حاجه ولا اى كلام و بعدها ب اسبوع كنت بكلم واحده صحبتى تانيه من مدرسه برضو أصحاب شله يعنى ف بتقولى أنها صحبتى الاولى دى هتعزمنا ف رمضان ( هى كانت قايلالى يعنى نتجمع يوم عندها ف رمضان و كدا بس يعنى ) المهم و صحبتى التانيه كملت كلامها و بتقولى أنها هتعمل لينا مفاجأة يعنى و نحتفل فى بيتها بعيد ميلادى انا و هى و صاحبتى التانيه انا ف شهر 2 و هما ف النص التانى من شهر 3 تمام ف لما جت ساعة العزومه و بتقول نتجمع عندها مردتش عليهم ف صحبتى التانيه قولتلها تعرفها انى زعلانه عشان مهنتنيش بيوم ميلادى و كدا و اروح لها ازاى و انا زعلانه ف قولتلها تقولها انى بس زعلانه مش اكتر و مش هروح عشان كدا و انا ف الجروب قولتلها انى out و كدا مش هاجى يعنى و اتحججت بالشغل و كدا و عيد ميلادها جه دلوقتى و بعتلها كل سنه و هى طيبه فقط و مردتش عليا و لحد دلوقتى مفكرتش أنها تكلمنى تصالحنى او عشان مزعلش منها و كدا ف دا اى دا بقى رغم أنها عشرة عمر و الأقرب ليا ...عرض المزيد

9 الدعم

5 نصيحة

زميلتي في الشغل خانت اتفاقنا وعملتلي موقف محرج

السلام عليكم: مبدأيا بتأسف عالإطاله بس انا فعلا محتاج نصايح .. انا في واحده معايا في الشغل نعرف بعض بقالنا اربع شهور و مع بعض في كل حاجه حرفيا حتي الويك اندز خروجاتنا مع بعض علي طول انا حبتها و اتعلقت بيها اوي بس حاليا تعبان جدا بسبب الموقف اللي حصل ده هي عيد ميلادها يوم ١٦ اللي هو امبارح السبت انا معاها من اسبوع فات اننا يوم ١٥ اللي هو الجمعه لما نخلص شغل هنروح نغير و نلبس عشان هنروح مكان جديد و كنت مجهزلها مفاجأه عشان تبقي حاجه مميزه ليها و خصوصا ان ده اول عيد ميلاد يعدي علينا سوا المهم جه يوم الجمعه الصبح لقيتها بعتالي تقولي انها مش هتعرف تيجي الشغل عشان تعبانه شويه قولتلها خلاص مفيش مشكله انا هغطي مكانك كإنك موجوده و فعلا عملت كده و انا بقي طول اليوم عامل حسابي اننا علي اتفاقنا اتفاجئ انها بتبعتلي ريكورد قبل م امشي من الشغل بساعه بتقولي ان في واحده صاحبتها كده انا اعرفها بتقولها هننزل بلبل و نخرج و لما قالتلها انها نازله معايا زعلت فهي بقي بعتالي ريكورد تقولي فيه و هي واخده القرار مش بتاخد رأى مثلا انها هتنزل مع صاحبتها عشان متزعلش طبعا انا اتصدمت رديت عليها بإيموجي كده ان انا مضايق و قولتلها مفيش مشكله و هي خدت الموضوع عادي جدا اللي هو كلب و زعل و هنبقي نراضيه هو كده كده مهما عملت مش هيزعل مني المهم قولت خلاص عشان بردو الحاجات اللي انا جايبها متبوظش والهدايا كمان قولت خلاص هروحلها تحت بيتها الساعه ١٢ او ١ كده و اديها الحاجه انا كان نفسي اوي نبقي مع بعض اول م الساعه تدق ١٢ بس يلا هقول ايه المهم ببعتلها الساعه ١٠.٣٠ اقولها لسه تعبانه ولا ايه قالتلي لأ الحمدلله احسن تخيل احنا لسه منزلناش ده ده كله قولتلها بتهزري ده الساعه ١٠.٣٠ قالتلي مش عارفه انا مستنيه صاحبتي ترن عليا المهم نزلوا عالساعه ١١.١٥ تقريبا يعني بردو انا كده خلاص المفاجأه بتاعتي باظت قولت خلاص هتصل بيها ١٢ عشان ابقي اول حد يقولها كل سنه و انتي طيبه اتصلت ببها ١٢ مرتين مردتش وبعدين رنت عليا بعدها بدقيقتين صوت دوشه جامد حدا جمبها لدرجه انها عماله تقولي الصوت عالي اوي هنا انا مش سامعاك و قعدت تقول الو الو و بعدين قفلنا بعتلها عالواتس قولتلها انا بكلمك عشان اقولك كل سنه و انتي طيبه انا مش عارف سمعتيني ولا لأ ردت قالتلي سمعتك يا صاحبي و كام قلب كده بجد صعبت عليا نفسي اوي بعد كل اللي انا كنت عمال اجهزوا ليها قولت خلاص انا هاخد الحاجات الهدايا و التورته و كده و اسيبهم ليها مع الsecurity اللي بالعماره بتاعتها و فعلا روحت تحت البنايه عندها الساعه ٣ هي كانت لسه مرجعتش دخلت اديله الحاجه قالي ممنوع تسيب حاجه هنا ممكن تحطها قدام الشقه عندها انا كنت نتسي رقم الشقه بعتلها عالواتس قولتلها رقم الشقه كام عشام انا كنت جايب حاجات و منفعش اسيبهاوفي الريسيبشن قالتلي انا مش فاهمه حاجه و راحت بعتالي رقم الشقه اخدت الحاجه و طلعت حطتها فوق و صورتها و بعتهالها عالواتس عملت ايموجي بيعيط.كتير كده و شويه قلوب و قالتلي والله انت مفيش زيك ابدا انا مش عارفه اقولك ايه مقولتليش ليه طيب كنت سيبتهم و جتلك تحت العماره قولتلها انا معرفش ظروفك ايه بقي انتي روحتي ولا لسه قالتلي لسه شويه كده و ممكن نروح قولتلها خلاص ماشي المهم انها في الآخر تقريبا روحت عالساعه ٥ الصبح هي و اصحابها كنت مستني بقب انها ترجع تاخد الحاجه من قدام الباب و تبعتلي او تتصل بيا تشكرني لكن ولا الهوا والله لو كلب مهتعامل كده انا من ضمن الحاجت اللي كنت عملهالها كنت حاجز حفله لفنان هي بتحبه و انا اصلا مسمعوش ولا اعرف اغانيه بس جيت علي نفسي و قولت عادي يلا عشان يوم عيد ميلادها يبقي مميز خصوصا معايا الحفله دي المفروص كانت يوم ١٦ اللي هو اليوم اللي بعد اللي حصل فيه الكلام ده كله طبها انا حسيت ان كرامتي اتمسح بيها الارض بعتلها امبارح الصبح بدري ان واحد صاحبي تعب و بحكم اننا في غربه و كده انا لازم اكون معاه لانه دخل المستشفي و مش عارف اذا كنت هعرف آجي الحفله ولا لأ عموما لو مش هاجي هبعتلك التذاكر و شوفي لو هتروحي مع حد ردت قتلتلي لسه ايه اللي حصله و كده و لأ لو انت مجتش مش هروح بعتلها بعديها اني مش هعرف آجي و روحت بعتلها التذاكر قالتلي ربنا يشفيه قولتها آمين و ده كان آخر كلام م بنا امبارح الساعه تقريبا ٤ العصر و بقيت اليوم مبعتتليش اي حاجه تاني. انا متعود كل يوم نصحي سوا للفجر فإتصلت بيها انهارده الفجر و بعدين افتكرت انها قالتلي انها مبتصليش اليومين دول عشان مصحيهاش يعني فبعد م رنيت افتكرت و قفلت و بعتلها عالواتس آسف نسيت و رنيت عليكي ردت عليا ببرود جدا لما صحيت قالتلي صباح الخير عادي انا مصحتش اصلا قولتلها طيب الحمدلله ردت بالحمدلله بس كده .... دلوقتي بقي انا مش عارف اعمل ايه ولا اتعامل ازاي احنا في وش بعض علي طول في الشغل و انا الsenior بتاعها يعني اي حاجه في الشغل بتيجي تسألني انا فيها و انا من كتر اهتمامب بيها لو غيرت معاملتي هي هتاخد بالها و انا اهم حاجه عندب اني عايز ابينلها ان الموضوع مش فارق معايا بجد محتاج نصايحكم و آسف مره تانيه للإطاله ...عرض المزيد

10 الدعم

7 نصيحة