مش مرتاح فصحابي وعايز أخرج بس مش عارف 🤦🏻‍♀️

Question

لما تحس انك مش مرتاح فدايرة صحابك بتعمل ايه ؟
مع العلم انك مينفعش تطلع منها و جربت و منفعش و هم مش وحشين بس انت حاسس انك ف أى لحظة ممكن تتساب منهم و انك مش فارق 
حد فاهمنى ولا دى دماغى بسس 🤦🏻‍♀️

Strawberry_15892 🇪🇬 · Answer

تجنبيهم

Apple_16026 🇪🇬 · Answer

ايه السبب الي ممكن يكون اهم ليك من نفسك ؟

Apple_15554 🇪🇬 · Answer

لو قالو تتطلعي معاهم متتطلعيش قولي مشغولة او تعبانه او زهقانه او اي حاجه ومش حابه تطلعي يقولو نتجمع اعتذري منهم وانك مش هتطلعي ولو طلعت تبقا عادي جدا ومتتكلمش كتير وشوية وتمشي 
لو دروس مثلا  مع بعض مممن تغيري المجموعه بتاعتك ف كلو وتظبتي مواعيد تانيه 
ولو جامعه اطلعي بدري عنهم او متأخر عنهم ومتمشيش معاهم الا لو كان غصب عنك اوي

Apple_15554 🇪🇬 · Answer

مفيش حاجه اهم من راحتك يعمري راحتك ونفسك اول حاجه بعد اي اي حاجه وراهم

Strawberry_16004 🇹🇷 · Answer

هم مش بس صحاب برا هم كمان صحابى فالسكن زى عيلتى يعتبر ف موجودة معاهم طول الوقت عشان كدا قلت مش هعرف ابعد

Apple_16026 🇪🇬 · Answer

انا دايما مقتنع بحاجه ان لو حاسس ولو احساس بسيط ان دا مش مكانك ف انت بتظلم نفسك انك لسه موجود ، المكان الي متتقدرش فيه ابعد عنه ، ف قدر قيمه نفسك و اديها حقها انت من حقك تبقى في مكان حاسس فيه ب قيمتك و مبسوط و مرتاح فيه ،اي دايره او قاعده مش حاسس فيها بكدا ابعد احسن حتى لو هم دول صحابك الوحيدين ، انك تبقى لوحدك احسن من انك تبقى في مكان بيستنذفك نفسيا

Apple_15554 🇪🇬 · Answer

تقريبا احمد عامر او حد كان معاه مش متذكره اوي يعني كان عنده شله يعني وكدا وكانو بيشتمو عادي وكدا وهو كان بيسعي انه يكون شخص كويس ف فيوم طلع معاهم القهوه وهو مكنش عايز بروح ولا يشوفهم  ف قعد معاهم كدا وقالهم انا مش طايقكو وسابهم ومشي وهو عمل كدا عشان راحته عافكرا مكنش مرتاح زيك بالظبط 
لما سألو ع السبب وعرفه منه انه مش طايق تصرفاتهم انغيرو وبقو هما كمان بيسعز ف طريق الخير وعايزين يبقو كويسين

Apple_16026 🇪🇬 · Answer

و حتى لو صحابك في السكن ، حاولي معاهم و اتكلمي و صارحيهم بمشاعرك ولو قدروا دا تمام ، مقدروش خلاص خدي جمب حتى لو مع بعض ٢٤ ساعه ، اتعاملي على القد

Apple_15554 🇪🇬 · Answer

مشكله انهم موجودين معاكي ف السكن بس انتي ممكن تتصرفي بأنك كل مره تشغلي نفسك عنهم وهما هيفهمو ان انتي م عايزه تقعدي معاهم او مش عايزه تكملي ف طريقك معاهم وممكن ميتكلموش وممكن يواجهوكي وساعتها انتي تقولي انك مش مرتاحه او تقولي ان انتي كويسه ومفيش حاجه وتفضل تتعاملي كدا وقتها هيبعدو خالص

Apple_16027 🇪🇬 · Answer

اول حاجه قربي من اهلك عشان دا هيفيدك جدا وكبري دماغك منهم لانك هتتعبي بعدين وهتحسي انك ضيعتي وقت وعمر علي الفاضي مع ناس مش صح و اعملي صحاب جديده تحسي معاهم انك لو احتاجتيهم هتلاقيهم في اي وقت جمبك عشان الصحاب عامل كبير اوي ف حياة اي حد عشان متكونيش لوحدك

Strawberry_16004 🇹🇷 · Answer

مفيش بينا الشفافية اللى تخلينى اعاتب لانى مش عاوزة اصعب على حد و لا انى اعيط قداموا لانى عمرى ما هسامحوا و هم برضوا ملاحظين انى ببعد و لما حد بيقولى مالك مبقدرش اطلع كل اللى جوايا من كلمة فبقول انى بس متضايقة من حاجة و محتاجة اقعد مع نفسى مش اكتر و دا عيبى انى دايما بصد اللى قدامى عشان كدا مش عايزة اظلمهم فنفس الوقت انا دماغى مش قادرة تستحمل اكتر من كدا