مش عارفة أوافق على النقاب.. هتعملي إيه؟

Question

لما تحبي حد وعايز ينقبك وانتي رافضة الفكرة وبيقولك  متخرجيش من البيت لوحدك ومبيسمعش اغاني 
ومش متفقين ع النقاب هوه عايز اتنقب وانا عايزة البس عبايات بس من غير نقاب هتعملي ايه هتوافقي ولا هترفضي ؟

Banana_62897 🇪🇬 · Accepted Answer

اللي عايز وحده منقبه ياخدها من الاول منقبة لكن الكلام ده ميصحش ارفضي يا اختاه

Donut_62879 🇪🇬 · Answer

والله وانا بقول كدا انا بصي غيرت كل لبسي يعني انا تنازلت عن اللبس وهلبس عبايات واسعة بس انا مش عايزة اغطي وشي بختنق هوا بيقولي انا عايز انقبك وبقالنا بنتكلم بالموضوع شهرين مع اهلي وهوا بيقول عايز انقبها واهلي بيحكولي امشي معاه عشان بيحبك ومش هتلاقي راجل محترم زيه بس انا بختنق مش متقبلة الفكرة خالص فاهمة ؟

Chilli_54819 🇪🇬 · Answer

هو ايه الى ياخدها منقبه من الاول يعنى ايه مش فاهم هو الراجل بيحبها وغيران عليها وعايز ليها الاحسن معنى كلامك ده ان الى اتجوز واحده مش محجبه وربنا هداه لانه يحجبها هى كده متوافقش لانه متجوزها مش محجبه 
ده بالظبط زى انا وجدنا إبائنا عليها عاكفون كانو كفار بس عشان اهلهم كانو كفار ده اسمه جهل فكرى ويا ريت تعرفو دينكم كويس لان فى الايام الى احنا فيها دى النقاب فرض مش زياده تقوى بس لا فرض واجب

Apple_58349 🇪🇬 · Answer

لا ارفضى طبعا انتى مش بتعملى حاجه حرام زاءد ان النقاب ده مباح لاهو فرض ولا مستحب حتى ومدام هو عاوز واحده منقبه يخطبها مالاول منقبه

Blueberry_52260 🇪🇬 · Answer

لا ارفضي عشان هو المفروض ياخدك كده ميجبركيش على حاجه تعمليها  لو هو عايز يتجوز واحده منقبه يبقى يتجوز واحده منقبه في البدايه

Strawberry_62703 🇪🇬 · Answer

مش المفروض الوجه و اليدين مش لازم نغطيهم؟ بس الحجاب و اللبس الواسع اللي مش بيشف هما الواجب

Mango_62846 🇪🇬 · Answer

الي بيقولك ارفضي ده ميعرفش مصلحتك... اولا صلي استخاره كويس.. ثانياً فكري كويس لأن علي كلامك ده قد يكون رجل صالح و دول قليلون جدا في هذا الزمن ... ثالثاً النقاب كانت ترتديه زوجات الرسول و الصحابة فهو ليس تشدد ولا بدعه... بس اهم حاجه انك تتقبلي الموضوع و تحبي الشخص الي بيتقدملك و يرتاح قلبك و صلي استخاره اكتر من مره و اسمعي كلام قلبك و ملكيش دعوه بحد

Mango_61854 🇪🇬 · Answer

طالما من الاول مش مستريحة ومش متقبله الفكرة يبقى ترفضى دا جواز ومشروع عمر مش معرفة يومين

Onion_62326 🇪🇬 · Answer

يبختك

Donut_62879 🇪🇬 · Answer

ع ايه؟

Onion_62326 🇪🇬 · Answer

معاكِ راجل ملتزم 
ربنا يرزقنا

Avocado_62954 🇪🇬 · Answer

اشتري الا بيخاف علي عرضك وبتغير عليكي ده بدنيا اسمعي كلامه ده ستر تعرفي يعني ستر نقاب ده نعمه كبيره ياريت تبقا كل ست كده احنا ك رجاله اكيد مش عايزين غير كده عن نفسي شاف ان ست نقاب يعني معاكي يختار من بدايه الا بتلبس نقاب علشان ده دماغه لكن لو دماغك مش كده صدقيني مش هتعرفي تعيشي متعمليش شي اكيد غصب عنك بس فكري  لو قدرتي تتخطي نقطه انك تتغيري علشان هوا بيحبك يبقا كسبتي قلبه وكل شي

Donut_62879 🇪🇬 · Answer

هقولك ع حاجة هوا انا عيلتي ومجتمعي كله بيلبس عبايات ولبس ساتر الحمد لله وهوه عايزني زي عيلته كلهم منتقبين بس انا مش هبقى مرتاحة بالنقاب هوا بيقولي انا عيلتي كلها كدا ومتعود ع كدا مش قادر اشوفك مش منتقبة وانا بقله انا عشت بعيلة مش منقبة برضو ومتعودة ع كدا

Avocado_62954 🇪🇬 · Answer

طيب انا مقدر وفاهم انك اتربيتي علي كده بس مش معني كده يبقا هنقف عند الحد ده من لبس لا هوا لبسكم محترم برضو جداا وجميل وساتر جدا بس شايف من وجهه نظري ليه متبصيش انه الأفضل تاخدي خطوه زياده عارف انك مش هتبقي مرتاحه بس لو تتفقي واحده واحده يعني مش مره واحده من يوم صباحيه تتنقبي لو ياخد معاكي موضوع بتدريج وانتي مثلا تنزلي تشتري نقاب سعودي وف بيت تلبسيه وتشوفي نفسك فيه مش شرط تطلعي بيه بس جربي جربي

Avocado_62954 🇪🇬 · Answer

وصدقيني انا من بيئه كده برضو نقاب نقاب نقاب يعني ده اول شي عندهم لما حبيت بنت من بره وحبيت أقنع فيها كانت بتحبني بس مكنتش حابه الوضع ف كل الأحوال ف علشان مظلمهاش وتظلم نفسها مشيت هي اختارت كده وانا بيني وبينك مهما لفيت وشوفت بنات مش برتاح غير لنقاب وبإذن الله نويت وعزمت نيه لكده لاني عارف من بدايه اني مينفعش اجيب واحده مثلا من اسكندريه ومتعوده علي خروجات واقولها هقعدك ف بيت مينفعش لازم نختار صح

Strawberry_39034 🇪🇬 · Answer

هو ايه اللي "ومش مستحب حتى" 
بطلوا فتي الله يكرمكم

Donut_62879 🇪🇬 · Answer

اسمع انا كثير تنازلت عن اشياء يعني بيقولي شغل ممنوع قلت اوكيه كل حاجة ممنوع وبيقولي اول سنة هنقعد عند مامتي وابويا في البيت في اوضة وبعد سنة نخرج لبيت تاني
طب ليه وانت قادر تاخد من دلوقتي بيت يعني عايزني انا اوفق على كل حاجة عايزها هوا وعايزني ابعد عن اهلي واعيش في منطقته قولت تمام برضو بس ليه انا اتنازل ع كل حاجة انا عايزاها ومتعودة عليها وهوا ميغيرش ساكن ليه؟

Avocado_62954 🇪🇬 · Answer

انا مكنتش اعرف كل تفاصيل ديت واظن فيه تفاصيل  تانيه بس طلما موضوع بدايته كده مش هترتاحي ومن حقك تختاري الا يريحك انتي انا مرات اخويا كانت مش منتقبه ولما تجوزت اخويا ونفس قصه البسي ومعرفش اي ف وصلت للطلاق ف انا بصراحه شايف انك تختاري حد لونك بيحب الا بتحبيه بلاش خطوه دي وبلاش شخص ده علشان انتي مش هترتاحي ولا هوا ف ليه نتعب ف بعض اقترحي طلباتك سواء بعدم لبس نقاب وحوار شقه

Apple_58349 🇪🇬 · Answer

بقولك اى دا حكمه مباح وراي شيخ الازهر ف كده يعنى لبسته ملبستوش عادى دى حاجه انت حر فيها فتي اى انت كمان روح اتعلم الاحكام الاول وبعدين ابقى اتكلم

Donut_62879 🇪🇬 · Answer

ايوا تمام فهمتك شكراً لحضرتك ✨️

Avocado_62954 🇪🇬 · Answer

العفو ربنا يريح بالك  وبالنا🙏