لما الدراسه بتقرب بفتكر ببقى عامله إزاي هناك وسط الي أعرفهم قاعده في اي تجمع الي طبعا اتعزمت عليه في الآخر بالصدفه ساكته عشان صوتهم عالي أوي مش عارفه اشارك وكل ما اتجرأ وأقول هعلي صوتي واتكلم عشان يسمعوني ويدخلوني في الكلام محدش بيلاحظ أصلا كل المحاضرات قاعده وجمبي كل اتنين او تلاته شغالين يكلموا بعض ويضحكوا مع بعض ولو من الي أنا بقعد معاهم وأجي أحاول أضحك معاهم أو اسأل عن حاجه محدش بياخد باله مش عارفه أنا صوتي واطي فعلا ولا مش مقبوله كفايه إحساس صعب إني اي حته اروحها لوحدي وأنا بتكسف امشي لوحدي بحس كله بيبصلي وبتوتر وببقا شايفه كل واحده بتتمشى مع صحبتها حتى لو بس رايحه تشتري حاجه لما بمشي مع مجموعه بلاقي نفسي اتنسيت وبقيت ماشيه في الآخر لوحدي أو بحاول أمد عشان امشي معاهم هزارهم مش بيضحكني بس بضحك مجامله عشان مينسونيش أكتر ما هما نسيني محدش ينصح بحاجه أنا عارفه كل النصايح بتاعت فكك منهم ، ركزي على دراستك، حبي نفسك، اشغلي نفسك،شوفي ناس شبهك، خلي نفسك أولوية، سبيهم وامشي عشان أنا بعمل كدا كتير ومحدش بيلاحظ ولا حتى تقولوا الوحده أحسن لأ الوحده وحشه اوي وغير كدا كدب إحنا بشر ومحتاجين ناس في حياتنا مهما كنا انطوائيين ياريت محدش يرد على البوست أنا كتباه فضفضه بس ومش عايزه نصيحه ولا مواساه ولا غيره ومش عارفه أقفل إزاي الرد خالص اصلآ

3

5