قابلت نفسي وأنا صغيرة وهي جت علي المعاد وانا جيت أنا كمان بالظبط لاننا الاتنين بنحب اللقاءت جت لامة شعرها بكحكة وبدلة قديمة بتاعت اختها وأنا جيت لابسة حلو وقالتلي عاملة ايه قولتلها حلوة وانتي قالتلي وحيدة قولتلها متخافيش هتكبري بكرا ومش هتبقي وحيدة بس هتفضلي تخافي ترجعي وحيدة تاني سألتني عن بابا وجه من السفر ولا لا قولتلها جه اتبسطت وانا كشرت وسألتني مكشرة ليه قولتلها انه كان أمل كاذب بالحب والحنية والأمان وانه سرق مننا كل دا مجرد انسان جنبنا وخلاص واحنا مش بنسباله حاجه ونفسنا نفتح صفحة جديدة معاه علطول بس هو رافض وقالتلي متزعليش قولتلها زعلانة بس متأقلمة قالتلي لسا بتيجي علي نفسك عشان الناس قولتلها أه بس قللت قالتلي بقيتي ايه وعرفتي عايزه تبقي ايه قولتلها معرفش لحد الآن قالتلي طيب حد دخل حياتك قولتلها أه قالتلي اتخطبتو قولتلها لا وهو مش موجود قالتلي بكرا يرجع قولتلها أمل تاني؟!

6

2