نصبت عليا في بوت عملات رقمية وعايزة ارجع فلوسي

Question

انا بعت 800 جنبه لبنت على بوت من بوتات العملات الرقميه، المهم هي قالتلي ساعه وهبعتلك الفلوس استنيها اكتر من ساعه ومبعتتش حاجه وفتحت الصبح لقيتها باعته ان الربح زاد بس لازم ادفع 4000 عشان استلم الفلوس ومينفعش تخصمهم من اللي هتبعتهم، قولتلها مش معايا فلوس قالتلي اسلفي من اي حد عشان تاخدي الفلوس ومش هتحولي حاجه غير لما ادفع، قولتهاوحوليلي فلوسي اللي دفعتها بس هي قافله بقالها 5 ساعات ومش بترد وانا مش عارفه اعمل اي، هو ممكن يكون الرقم اللي دفعته مش كبير بس انا بنت وقاعده في البيت مش بشتغل ومصروفي اليومي 20 جنيه فبقالي اربع شهور بحوش في المبلغ دا، المشكله دلوقتي اني عليا 600 جنيه لاختي واشتراك الجيم واشتراك النت، ومش عارفه اتصرف ازاي، ومقولتش لحد في البيت على اللي عملته وخايفه اقول لماما، وبجد عايزة اعيط ومش عارفه وحاسه راسي هتنفجر من التفكير والتوتر. 
فلو حد يعرف ارجع فلوسي ازاي زلا اعمل اي يقولي من فضلكو...

Watermelon_86245 🇪🇬 · Answer

بصراحة معرفش لكن الي اقدر اقوله ان متحوليش فلوس تاني كدا لان دا نصب وغريبة ان حد يصدقهم

Orange_85755 🇪🇬 · Answer

متحوليش فلوس تاني واحمدي ربنا الفلوس دي لو جاتلك فهيا فلوس حرام المكسب 
دي نصباية وبيجروا رجل الناس بيها ولما تدفعي 4000 هتعملك بلوك وخلاص 
وهو إزاي تحولي لحد مثلا 800 ويقولك هرجعها بعد ساعة الف او اتنين  
حاولي معاها ترجعلك الفلوس. وقوليلها هاتي الفلوس عشان فيه ناس اصحابي كلمتهم كلمتهم لو بعتيلي الفلوس هيبعتولك 
وباكد عليكي دا نصب علني

Corn_71708 🇪🇬 · Answer

فلوسك مش هترجع و متحوليش فلوس تاني و قولي لمامتك انهم وقعو منك او اي حاجة و راجعي نفسك قبل اي خطوة زي دي عشان انتي فاهمة ان حتي لو كسبتي ف دي فلوس حرام

Tomato_57296 🇪🇬 · Answer

ربنا يعوض عليكي

Jackfruit_81975 🇪🇬 · Answer

مباحث الإنترنت بالإثباتات إلى معاكى