انا دلوقتي في تالته اعدادي وطول عمري كنت متفوق في دراستي دايما بكون على الاقل من الخمسه الأوئل على المدرسه ومع بدايه تالته اعدادي كثفت مذاكرتي جدا وكنت بذاكر كل حاجه اول بأول وبذاكر الدروس قبل معادها بس حيب فجأه قبل الامتحانات بحوالي شهر ونص كنت تعبت جدا وخلاص جبت اخري عشان انا كنت مدي تالته اعدادي حجم اكبر من حجمها بكتير وبقيت مقصر اوي في مذاكرتي وضيعت الشهر ونص دول وللأسف جبت 128عارف ان المجموع ده يبان حلو بس انا في اول السنه طموحي كانت اعلى من كده بكتير وكمان تأنيب الاهل خلاني مضايق اكتر وكمان اني بقيت اقل واحد مجموع في صحابي وثحابي نفسهم اتفاجأو من مجموعي عشان انا طول عمري اكتر واحد متفوق فيهم وبعدين نفسيتي تعبت اويي💔 والترم التاني بدأ وبطلت اذاكر عشان فاقد الامل في كل حاجه وتعبت اوي من تأنيب اهلي ومعاملتهم ليا بس انا دلةقتي فوقت وقررت اني لازم ارجع اهتم تاني بس للأسف عدا اكتر من شهر ونص والمنهج بتاع الترم التاني كبير اوي اصلا مش كفايا عليه3شهور ونص ومش عارف ابدا منين و ازاي اذاكر الي فاتني والم المنهج كله في شهرين مع ان اصلا كل المدرسين خلصو نص المنهج وانا لسه هبدأ حد عنده طريقه اذاكر بيها او معلومه تفيديني عشان الحق الم المنهج واجيب مجموع احسن من الترم الاول ❤

10

0