حقيقي مشوفتش أبشع من ناس تيجي ف وشك تقولك الحمد لله الذي عافانا مما ابتلى به غيرنا وأنت شخص مريض..هو الحمد لله الذي عافاك مما ابتلاني أكيد بس دي تقولها ف سرك لأن مستحيل الدين اللي قال لا يتناجى اثنان في وجود ثالثهما فيما معنى الكلام يعني إن مفيش اتنين يتكلموا سوا بصوت واطي والتالت موجود ف ما بالك بناس تيجي تقول ف وش مبتلى الحمد لله الذي عافانا مما ابتلى به غيرنا معلش يعني محدش اختار التعب ولا المرض ومش معنى إني عندي كانسر ف سن صغير تبقى معجزه وكل الناس تيجي تقول بس أنتِ لسه صغيره ومعرفش ايه طب والله عارفه إني لسه صغيره وحزينه من جوايا بس أكيد محدش فينا هيروح يقول لربنا معلش يارب أنا لسه صغير !! بجد نفسي الناس يبقى عندها دم علشان قرفت ونفسيتي تعبت وكرهت أروح أعمل فحوصات بسببهم وحقيقي كل مره بروح برجع منهاره ومكتئبه بسبب كلامهم نفسي الناس تبطل جهل ويعرفوا إن أي حد على كوكب الأرض معرض لأي ابتلاء أي ابتلاء حرفيًا مهما كان سنه طفل شاب كبير عجوز مهما كان سنه بجد بلاش جهل علشان الناس اللي عقليتها كده محتاجين يتوأدوا.

9

0