مساء الخير في مثل هذا اليوم من خمس سنين إشتريت جزمة ب1100جنيه طبعاً هتقول مش مهتم أعرف انت جايب ايه صح؟ ده موضوعنا النهاردة وهو (كلاب الأتينشن) ياحبيبي مش مهم خالص انك تبقا قاعد في نص المحاضرة وفجأة تقلب شمبانزي عشان تبان روش وتضحك الي حواليك وياحبيبتي مش لازم لما تبقي في مناسبة معينة فرح بقا او غيره وتروحي تقولي انتي جايبة الdress الي انتي لابساه بكام عشان كدة كدة محدش سألك و صاحبتك عارفة ان مش ده البادچت بتاعك ولا عمره هيكون ويلا بقا قومي روحي ياسندريلة جيلك عشان الوقت اتأخر ومش هتلاقي توكتوك حتى يروحك يا استاذ توم كروز مش لازم تقول انك بتكلم ستة ولا سبع بنات عشان دي مش حاجة جامدة نهائي وانتي عبيط وباين عليك والكل هارشك أصلاً! أستاذة بيلي أيلش الشلة كفاية بقا صورك على ستوري الإنستا وكاتبة عليها: no makeup no filter وانتي أصلا لو حد اداكي على وشك بالقلم هتعملي شبورة بيضة من كتر مانتي داهنة وشك، خلي عندكوا إحساس وبعضٍ من العقل وإعمل بقول الرسول صلى الله عليه وسلم: (استعينوا على قضاء حوائجكم بالكتمان) وفي نفس الوقت لما تحصلك حاجة حلوة قولها ولكن بدون مبالغة وبدون تفاصيل يعني مثلاً جيبت جزمة حلوة قول الحمدلله انا جيبت جزمة جديدة مش لازم تقعد تقول انا جيبتها بكذا ومش عارف ايه وتحسسهم ان انت جامد عشان ده مبيحصلش Au revoir 👋🏻

9

0