كل يوم معركة وحاسس متأخر عن الكل

Question

كل يوم بصحى كأني داخل معركة مش رايح أعيش
بفتح عيني وبيجي معايا إحساس تقيل إني متأخر عن الكل
أصحابي بينجحوا وأنا لسه بدور على معنى لحياتي
جربت أذاكر وأشتغل وأبدأ من جديد بس دايمًا في حاجة بتشدني لورا
كل ما أقول هركز ألاقي عقلي مش معايا وقلبي تايه ومفيش شغف
حاسس إني عاجز عن أحقق أي حاجة ليا لا في الدراسة ولا الشغل ولا حتى مع نفسي
والأسوأ إن كل يوم بيفوت بيخليني أشك في نفسي أكتر
هو أنا اللي ضعيف ولا الدنيا دي صعبة عليا أكتر من اللازم؟

Pineapple_55389 🇪🇬 · Accepted Answer

ع الاقل انت بحاول

Coffee_55645 🇪🇬 · Answer

متفكرش دائما اعمل الحاجه واسعي مش تفكر وانت واقف ف مكان انت مش فاشل ولا اقل من حد بس ملقتش طريقك والحاجه التنجح فيها رتب افكارك كويس واتحرك ف حاجه انت عايزها وبتحبها ولو فشلت متحبطش نفسك وشوف غيرها واتحرك متخليش حد يقلل منك ولا من افعالك انت نفسك وبس محدش هيحركك ولا هيساعدك ابني نفسك

Apple_55568 🇪🇬 · Answer

بص عدم التركيز و النسيان ده نقص فيتامين روح لدكتور و انزل جيم و روق علي حالك و سيبك من صحابك متركزش ف حياتهم و تقارن نفسك بيهم متحسسش نفسك انك قليل انت مش ضعيف
هي الحياة بقيت صعبه علي الكل مش عليك انت بس

Coffee_52736 🇪🇬 · Answer

بص كفايه ان بتحاول تبقا احسن وتعمل حاجه ف حياتك إنت محتاج ترتب انت عايز تعمل ايه  اكتب كل حاجه ف ورقه ورتبها  واعمل حاجه حاجة  منهم  بس ‏ متضغطيش  ع نفسك ف الاول عشان متحسش  الدنيا صعبه عليك وتفقد الشغف  وانزل جيم  اشغل وقتك  عشان متفكريش كتير 
 واهم حاجه انك تكون مقرب من ربنا

Biscuit_55779 🇪🇬 · Answer

+1

Peanut_55501 🇪🇬 · Answer

مشكلتك هي مقارنة نفسك بالآخرين رغم انهم مش نفس ظروفك ومش نفس مشاكلك ومش نفس طاقتك وقدراتك الحياة مش سباق ومش كلنا بنبدا من نفس نقطة الانطلاق ولا حتى خط النهاية واحد بالنسبة لينا ركز على نفسك فقط وحاول تتحرك نحو الأمام كل يوم وسيبك من المقارنات

Strawberry_55445 🇪🇬 · Answer

مافيش حد بيتأخر أو بيتقدّم، كلنا لينا توقيت مختلف، مسارات مختلفة، ورحلة شكلها مش شبه حد تاني.

أصحابك اللي بتقول إنهم سابقينك؟ هما كمان جواهم صراعات محدش شايفها. المقارنة أكبر فخ بيسرق مننا سلامنا الداخلي، وبيخلينا نحس إننا أقل، مع إن كل نفس فينا هو حياة قائمة بذاتها.
ساعات كتير بنبقى فاكرين إننا مش بنعمل حاجة، مع إن مجرد إنك بتقوم كل يوم وتحاول، ده في حد ذاته إنجاز.
هتوصل. بس متربطش قيمتك بحد