كرهت الصلاة بسبب الوسواس وبتعذب

Question

جماعة انا كرهت الصلاة لدرجة اني مثلا اشوف فيديوهات للصلاة اكرها زيادة وبدأ كرهي يأثر علي علاقتي بربنا مهما ادعي حاسة ان ربنا مش بقي عايزني خلاص مش عايز يشوفني زي ما انا مش ببقي عايزة اقوم اصلي لكني بقوم مجبورة بقيت بكره الاسلام بالتدريج جاتلي عقدة حرفيا وكل دا بسبب وسواس الصلاة نفسي اقعد ثانية مرتاحة مش افكر انا صليت صح ولا لا انا نسيت حاجة كدا ولا كدا تخيل شعور انك تصلي خمسين ركعة في اليوم بس إعادة الصلاة مرتين وتلاتة انا معظم يومي بقديه في إعادة الصلاة اهلي مفكرين اني بصلي السنة كتير وبتاع لكني ببقي بنهار حرفيا بصلي وانا مش طايقة الصلاة دي بقت عقبة في حياتي سبب ضيقي وانهياري احيانا كانت بتوصل لدرجة اني اعيط وعيني تدمع لاني بصلي وعارفة اني بعدها هعيد الصلاة تاني وياعالم مرة ولا اتنين ولا تلاتة انا الصلاة كرهتني في حياتي و المشكلة الوسواس مستمر معايا من شهور حاولت كتير جدا وجربت كذا حاجة عشان يروح مفيش حاجة نافعة انا حاسة اني بستسلم مش قادرة اقاوم وتعبت كل اللي ببقي عايزاه اني ارتاح في الصلاة اكون بصلي عشان انا عايزة كدا انا حرفيا بدمع وانا قاعدة بكتب والموضوع بجد مش سهل بالنسبالي لاني بلاقي ناس بترتاح في الصلاة بتدعي وبتحبها وبيبقي نفسي اكون كدا بردو 💔

Watermelon_57983 🇪🇬 · Answer

ربنا يهديكي و يريح قلبك .اولا.بصي عايز اقولك  في فتاوي بتقول أن مش شرط ابدا تعيدي الصلاة لو شكيتي ان في خطأ فيها .بس معلش ابحثي واتأكدي عن تفصيلتها .
ثانيا انتي محتاجة تقراي و تسمعي فيديوهات عن ربنا و عن الإسلام عموما 
ممكن حتي تسمعي بودكاست مثلا وانتي في الطريق ..لو عايزة ارشحلك أنا معايا كورس كامل للرد علي الإلحاد ..رائع انا استفدت منه كتير ..وكان عندي بردو شكوك وارتحت الحمدلله

Tomato_62425 🇪🇬 · Answer

ظهر من شهر طب وقبل الشهر مكنش موجود ولا مكنتيش بتصلي ؟؟
لي بتعيدي الصلاة كثير أي البتعملي في الصلاة فبتفكري أنه لازم أعيد الصلاة؟
أنا محصليش كده بظبط بس الفاكره ويارب يساعدك إني جت فتره كنت بقعد اشك كثير صليت كام ركعه كام سجده 
والسمعته وقتها إني مسلمش نفسي للوسواس 
ابني على الأقل واسجد سجدتين سهو في الآخر
فبقيت أول ماشك مقعدش أفكر كثير هو أبني على الأقل واسجد سهو

Peanut_74196 🇪🇬 · Answer

ادعي الله ان يرزقك الخشوع في الصلاة وأن يطهر قلبك من الوسواس حاولي تصلي ف وقتها ولاتؤجل الصلاة ولازم تصلي ف مكان هادي بعيد عن دوشه

قبل الصلاة، حاول أن تستحضر الخشوع في قلبك وتتذكر أهمية الصلاة في حياتك وتأكد من وضوءك بشكل صحيح واهتم بالخشوع أثناء الوضوء وحاولي أن تفهمي معاني الكلمات التي تقرأها في الصلاة عند الشعور بالوسواس استعذ بالله من الشيطان الرجيم

Lemon_67534 🇪🇬 · Answer

بصي ده كله من الشيطان هو الشيطان عاوزك ده وده وسواس وغالبا الوسواس مش بنسمعلة اسمعي عن الصلاه د. علاء حامد كان منزل كيفية الصلاة ومعلومات كتير هتفيدك بجد... بصي بقى حتى لو معندكيش الشعور بتاع الراحة بالصلاة صلي ومتسمحيش للشيطان يعمل كده حتى لو اي صلي اوعي تسيبي الصلاة مهما كان بجد... جانب الإسلام صدقيني والله مفيش أحلى من الإسلام متخليش الشيطان يضحك عليكي..

Tomato_62425 🇪🇬 · Answer

أو لو عندي شك ب51% إن لأ أنا فعلاً صلاتي تمام وحاسس إني متلغبطتش في حاجه وقتها برده بكمل علطول على النسبه دي واخليها 100% ولا كأن الفكره جتلي ومتعبتش الحمدلله مع الأفكار دي ومبقتش تيجي  الحمدلله،
وكنت عايز افهم يعني أي بصلي مجبرة برده ؟!

Lemon_67534 🇪🇬 · Answer

وجانب مهم حالك مع ربنا اي!! يعني هل بتحاولي متعصيش ولا كل حاجة بالنسبالك اشط عادي!! مهو لو مفيش راحة لازم سبب وف الأغلب بتكون الذنوب.. وربنا بيحبك علشان انتي عاووة تكوني افضل ربنا محطش شعور انك متضايقة وعاوزة ترتاحي ف الصلاة من فرااغ.. اقرأي سور مختلفة وركزي وانتي بتصلي حد كان قايل هاتي سبحة وكل لما تخلصي ركعة دوسي عليها علشان تفتكري انتي ف انهي راكعة.. كل مشكلة وليها حل ف اسلامنا بجد..

Popcorn_78015 🇪🇬 · Answer

اعرفي شروط صحة الصلاة وازاي نخلي صلاتنا تتقبل كما كان يفعل الرسول و انصحك تسمعي حلقة الصلاة في التلذذ بالعبادات لدكتور احمد العربي و ابحثي في مسئلتك عن العلماء تجدي مسئلتك بإذن الله

Ice Cream_82622 🇪🇬 · Answer

قال رسول الله ﷺ في حديث: ومن أحب لقاء الله أحب الله لقاءه، ومن كره لقاء الله كره الله لقاءه هذا حديث صحيح قاله النبي ﷺ عن عدة من الصحابة : من أحب لقاء الله أحب الله لقاءه، ومن كره لقاء الله كره الله لقاءه قالت عائشة -رضي الله عنها-: يا رسول الله، أهو الموت؟ فكلنا يكره الموت، قال: لا يا عائشة، ولكن المؤمن إذا حضر أجله؛ بشرته الملائكة برحمة الله، ورضوانه؛ فيحب لقاء الله، ويحب الله لقاءه، والكافر مت

Popcorn_78015 🇪🇬 · Answer

تابعي دكتور عبدالرحمن ذاكر الهاشمي هيساعدك ف المسئلة دي جدا

Mango_60106 🇪🇬 · Answer

اساسا الصلاة مش بتتعاد لو انتي موسوسة وعدم معرفتك بده هو الي مخليكي تكرهي الصلاة وتضيعي وقتك في اعادتها مع انك مش مطالبة بده فياريت تكرفي للشيطان وترجعي تسمعي فيديوهات عن الصلاة وطالما عملتي اركان الصلاة متعيديش واعرفي ايه هي الاركان والواجبات والسنن وسجود السهو

Pineapple_68793 🇪🇬 · Answer

انا دايما بصلي ومنتظمة مش كنت بفوت فرض قبل الوسوسة وحاليا بردو منتظمة بس بقيت بوسوس في حاجات كتيرة جدا زي انا خرج مني ريح او بول و انا قرأت سورة الفاتحة صح ولا لا انا سجدت صح ولا انا في انهي ركعة هل سلمت بعد الصلاة وقولت السلام عليكم ورحمة الله ولا لا وكل دا ممكن يحصلي في صلاة واحدة الوضع صعب جدا ومرهق اوي

Corn_67518 🇪🇬 · Answer

بصي يا ست البنات عايز أقولك حاجه مهمه جدا عن علاقة اي انسان مع ربنا. اولآ ربنا غفورن رحيم . ذاد ان ربنا بيقبل صلاة كل إنسان زي مهي ان كانت غلط او صح بمعنى ربنا شيفنا وحاسس بينا وقت الصلا .كمان ربنا حنين جدا فوق متتخيلي ربنا مش بيقف للإنسان علي الوحده لا ربنا رحيم جدا جدا وبيطبط علي كل إنسان ربنا بيقبل كل الكلكيع اللي جوا الانسان وكمان ربنا حاسس بيكي وعايز اقولك  ربنا سبحانه وتعالى بيحبك زي ماانتي