زهقت من كل حاجة.. أعمل إيه؟

Question

قلولي اعمل اي أنا  طول عمري محافظ علي نفسي مش زي باقي شباب جيلي أنا شاب عندي ٢٨ سنه لا بشرب سجاير ولا بتاع بنات ولا الحاجات دي بس أنا زهقت وكل الناس حوليا بحسهم شيفني أنا كدا الي غلط حياتهم حلوه اوي ومبسوطين مع انهم بيعملوا غلط هل اعمل الغلط واقول ربنا هيسامح أنا حققت نجاحات مليون حد في سني بتتمني يعملها بس ولا مره حسيت اني ناجح اهلي صعبوا عليا عيشتي وحتي صحابي خذلوني 
اخواتي كل واحد في حياته وبيته اعمل اي أنا قررت امشي أسافر واسيب كل دا علشان معنديش حاجه استني علشانها

Kiwi_72730 🇪🇬 · Accepted Answer

الشيطان بيحسسك بكده عشان تنجرف وراه وتغلط وديما بيحسسك بالخنق والضيق قرب من ربنا واستعين به وخليك ماسك على دينك

Strawberry_25419 🇪🇬 · Answer

لا طبعا هما غلط ومش معنى أن الحاجة دى ناس كتير بتعملها تبقا صح 
الحلال باين والحرام باين. 
وبتقول انك حققت نجحت دا بفضل ربنا وان مكنتش بتعمل حاجة غلط ف ربنا باركلك

Watermelon_62113 🇪🇬 · Answer

لو بصيت من وجهه نظرهم وكل اللي خذلوك دول عملو كده عشان شافوك احسن منهم ويتمنو يبقو زيك انت صح هو بس زمانا ده الصح بيبقي غريب شويتين كمل في طريقك وربنا يوفقك بجد وتحقق حاجات اكتر

Avocado_70572 🇪🇬 · Answer

طبعا مش تعمل الغلط يعني لما تيجي تتحاسب هتقول لربنا اصل كنت عارف ان دا غلط بس عملتو زيهم عشان حلو

ومن ناحيه الاهل والصحاب نصيحه كل م انت عمال تفكر انهم بيصعبوها عليك ومش عارف تتحرك عمرك م هتتحرك فكر انك عاوز تعمل النجاح دا عشان نفسك مش عشانهم انت لما تنجح هتبقي فخور بنفسك فكر في نفسك ونجاحك وبس وسيب كل اللي حواليك دا علي ربنا