خلاص تعبت من التعامل مع الناس وهمومهم الفاضية

Q: مش تمام جوا.. تعبت من الوحده والمسؤليه

أنا مش عارف مالي بس أنا مش تمام بتعامل مع الناس بوش مبسوط و funny بس أنا من جوا مش تمام موجوع من مسؤلية كبيرة محطوطه عليا وتعبت من كوني لوحدي طول عمري صاحب الكل ومحدش صحبي أنا روحت الشغل النهارده بالمناسبه أنا ٢٥ سنه وبصمت حضور وروحت ف حته بعيده ف المبني اللي شغال فيه محدش بيروحها فضلت قاعد لوحدي من الساعه تسعه ل اربعه ومليش مزاج ارد ع حد ولا اتعامل او اشوف حد تعبت منهم من كوني مهتم بتكوين معارف معاهم وهما مش فارقلهم غير حوارات تخص ارتباط وبنات وبس حتي اللي سال عليا ورديت قولت اني مش كويس مش الرد التقليدي اني تمام وكده مهتمش يعرف ليه او فيه ايه أصلا

Q: بتمنى ألاقي ناس ناضجة وعاقلة في الزمن ده

اكتر حاجه بقيت بتمناها هي ان انا اتعرف علي ناس ناضجه واسوياء، من كتر الي الواحد بيشوفو وشايف كم الناس المريضه وعقولهم التعبانه ومن تعاملي معاهم بقيت حاسس ان صعب تلاقي حد عدل اكيد مش بقول حد مثالي بس حد يكون عاقل مش اكتر، انك تلاقي حد عاقل ومتزن بقي شبه المستحيل

Q: ليه الطيبين بيحصل فيهم كده؟ مش عارفه أرد على الإساءة 💔

بجد مدايقه اوي لما الواحد بيكون بيتعامل بكل احترام وطيبه القلب وبنيه صافيه وتيجي واحده تفضل تشتم فيك بس انتي مش عارفه تردي ولا تجيبي حقك عشان مش متعوده علي الأسلوب ده ولا متعوده انك تشتمي وتردي علي حد عشان مش من طبيعتك ده بس بعد كده صعب عليا نفسي اوي اني معرفتيش اجيب حقي أو ارد عليها وهي بتقولي انتي واحده مريضه كانت كلمتي ليها هيا شكرا وبس وقفلت كلام بجد ليه الطيبين بيحصل فيهم كده ليه الواحد بيتعامل حلو مع الكل بس بيلاقي العكس 💔💔💔

French Fries_51832 🇪🇬's منشور

French Fries_51832 🇪🇬

منذ أسبوعين

شعور محبط

انا عارفه إن مش منطقي إننا نقطع علاقتنا بكل البشر بس حرفيا التعامل مع الناس بقا متعب جدا كميه حوارات وقفش وقمص وجدالات خايبة مالهاش أي لازمه وناس تتحشر ف خصوصياتك وناس تتهمك بدون وجه حق وانت بقا مطالب تجادل مع دا وتبرر لدا وتصالح دا وإحنا اساسا على آخرنا والطاقه الي عندنا يادوب تمشينا

لا يمكنك رؤية أي نصيحة على هذا المنشور لأن الناشر اختار تلقي النصائح بشكل خاص. إذا كنت ترغب في مشاركة نصيحتك، ببساطة اكتبها في المربع أدناه.

التجربة أفضل عبر التطبيق

حمّل تطبيق توهيل على هاتفك لتجربة أسرع