لو انت محبط وشايف حلمك مستحيل تعالى اقولك قصه صغيره يمكن ترجعلك شغفك وانا ف تالته ثانوى كنا نظام جديد اول دفعه ومش عارفين طبعا نتعامل معاه لان اول مره يطبق علينا المهم انا كنت متوتره والامتحانات قربت وبذاكر كتير بس بنسى كتير جدا المهم عدت الامتحانات والنتيجه ظهرت والاقى نفسى جايبه 60% جتلى صدمه فعلا الل هوا بعد التعب والفلوس والمرمطه والسهر والدروس والتوتر والعياط ف الآخر ده يبقى نتيجه تعبى طبعا مش محتاجه اقول النفسيه وصلت لفين المهم استنين المرحلة الأولى والثانية وجت التالته ومفيش ولا كليه قبلانى وكل بقا عباره عن معاهد بصيت كده لقيت معهد تكنولوجيا العلوم الصحيه وكان لسه اول سنه المهم قعدت ابخث عنه وعرفت فيه اقسام زى اشعه وتحاليل وانا ميولى للاشعه اكتر روحت لبابا وقولتله انا عايزه ادخل المعهد ده قالى رفض طبعا عشان بفلوس وقعد يقولى ده معهد ملوش لازمه وكلو محصل بعضه مفيش شغل ولما صممت قالى اضربى دماغك ف الحيطه انا قولت كلمتى.وناس كتير بقا الل يقولى ملوش مزاولة ولا معادله ولا كارنيه نقابه كانو بيقفلونى حرفيا المهم دخلت ف نفسيه واكتئاب لما كنت هنتحر حرفيا لانى مش عايزه ادخل اداب ولا تربيه مش ميولى دعيت ربنا بالخير وقولت لو مكتوبالى هتجيلى جت عمتى قالتلى انا هدفعلك مصاريف الكليه دى فرحت جدا وطبعا بابا كل كلامه برضو هتبقى فاشله ومش هتحصلى تمرجيه وعمرك مهتفلحى وانا خايفه فعلا لان عدت سنتين مكنش فيه مزاوله ولا معادله بالكليه دعيت رمضان الل فات ان يحصل وكان فعلا النهارده صدر قرار م نقابه العلوم الصحيه بمعادلة المعهد بالكليه يعنى هناخد نفسه درجه البكالوريوس ومش كده لا المزاوله طلعت وبعديها التكليف..كنت طايره م الفرحه حرفيا لان ربنا استجاب دعائى بعد تعب وكلام يكسر الخاطر وتفكير كتير ساعتها قولت فعلا مفيش حاجه بعيده عن ربنا انا كان حلمى أدخل اسنان ربنا عوضنى بكليه بالنسبالى احسن منها وواثقه ان مستقبلى فيها عشان ده اختيار ربنا وبس ❤ وادينى اهو ف تالته جامعه وكل سنه بجيب تقدير حلو وبدعى ربنا اتخرح ويسهلها عليا واحقق باقى حلمى الل لسه مكملتوش فا ايا كان حلمك مستحيل متصتصغرش نفسك وتقول مش هيحصل لا كمل وادعى واسعى وسيبها ع ربنا هتلاقى ربنا بيقلب الموازين عشان يرضيك انت متخيل ️

12

3