قصتي من التميز للانحدار.. ياريت النصيحة!

Question

السلام عليكم ورحمة الله وبركات    انا هحكيلكم قصتي وياريت محدش يقول كلام مش حلو 
انا حاليا طالب تانيه ثانوي انا ايام الابتدائي كنت انسان متميز جدا وشاطر وكنت بطلع من الاوائل والاعدادي هكذا 
لكن من اول ما دخلت ثانوي واتلميت ع شله مش تمام ال حد ما 
  وحالي اتشقلب بقيت ولا بذاكر وباخد فلوس الدروس اشرب بيها شيشه واروح القهاوي وبقت ف المدرسه مش محبوب بين المدرسين تماما 
وبقيت بعمل العاده السريه وبقيت انسان مش زين خالص 
وبقيت حتي مش عارف ابص لنفسي ف المرايا وكل يوم ضميريي ينبني ع اللي بعمله وبرضو اللي فيا فيا
والمشكله اني بصلي كل الاوقات وملتزم 
اطلب منكم نصيحه لوجه الله 
وبقبل النقض عادي جدا بس ياريت ميتخطاش الحدود 🤍

French Fries_32710 🇪🇬 · Answer

بص اولا ابعد عن الشلة دي عشان حتى لو مش بيقولولك انك تختلط بيهم كتير ده هيخليك لا إراديا تقلدهم و تخرج معاهم و خليك عارف ان دول عمرهم ما هينفعوك .. ثانيا ركز في دراستك و فوق لنفسك حتى لو اتراكم عليك كتير مش مشكلة يتراكم عليك كتير لحد دلوقتي احسن ما يتراكم عليك في اخر السنة و خد بالك انت داخل تالتة اللي هي اهم سنة في حياتك و طبعا بتبقى تراكمي من اولى و تانية ده غير منهج تالتة

Chilli_43122 🇪🇬 · Answer

بص يا صاحبي اقعد علي قهاوي براحتك بس مش يكون وقت الدارس يعني خش الدرس ومش حقولك سيبك من صحابك اصلاك لمؤاخذه مش حمار حيسحبوك ودايما بس علي الي بيعمل الشيشه شوفوا بيعد يرتاح ولا كل ثانيه واحد يقولو نار شيشه هنا انت لو مش ركزت لمستقبلك و منجحتش حتبقا معاه في نفس الشغلانه وحيطلع عين الي خلفك وبعدين الي بيصرف عليك لساا عايش حيجي اليوم الي يموت ومش حتلاقي جنيه تصرفو وجيبلي انت ملزم تصرف عا نفسة وعا اهلك

Coffee_33188 🇪🇬 · Answer

جميل جداً ي اخويا ان ضميرك موجود ونفسك انك تتغير ل الأحسن.. نصيحتي ليك ابعد عن اصحابك دول .. صاحب ناس نضيفة وانت اكيد عارف تفرق بين الحلو والوحش.. قرب من ربنا اكتر ف صلاتك أكثر من الخشوع .. اقرأ وِرد يومي من القرأن … ادعي ربنا ب صلاح الحال والهداية

Chilli_43122 🇪🇬 · Answer

وانا مثلا مش شيخ لا أنا صايع وبتاع مشاكل وبقعد عا قهاوي بس مش وقت الدورس لما ببقا فاضي

Strawberry_47092 🇪🇬 · Answer

ابعد عن شلتك ربنا يهدي حالك يارب و يكتبلك الصلاح ، بص اشغل نفسك بكل الطرق و متسيبش نفسك للشيطان يعني اسمع بودكاست لشيوخ زي محمد الغليظ و امير منير و حازم شومان و الناس الحلوة دي هيحببوك في الدين و يأكدولك فكرة ان الانسان خطاء يعني المشكلة مش فيك ولا حاجة و طلاما لسة حاسس بالوحشة من اللي بيحصل يبقا ربنا لسة فاكرك و بيحبك و عايزك ترجع لطريقه انت بس انويها و اطلب من ربنا من كل قلبك

Strawberry_47116 🇪🇬 · Answer

اول شكرا جدا 
ثانيا انا والله بحاول

Strawberry_47116 🇪🇬 · Answer

كلام يعقل جدا والله

French Fries_32710 🇪🇬 · Answer

و حاول قدر الامكان انك تبعد عن العادة دي كل مرة توب منها حتى لو رجعت توب و كافئ نفسك لو لقيت انك بدأت تتحسن يعني هاتلك حاجة حلوة اخرج شوف فيلم او كده و طبعا ادعي كتير و متصاحبش ناس زي دول تاني

Strawberry_47116 🇪🇬 · Answer

اللهم امين يارب العالمين 
والله انا ضميري بياانبني كل يوم

Strawberry_47116 🇪🇬 · Answer

والله كلام جميل 🤍
ونا طبعا نفسي اتوب وارجع

Strawberry_47116 🇪🇬 · Answer

والله كلام جميل 
بس صحابي مش بيقولولي تعالي نتفرج ع مقطع كدا ولا كدا 
لا دا انا بشوف مناظر وبش بقدر امسك نفسي 🥺

French Fries_32710 🇪🇬 · Answer

بيبقى في برامج تقدر تحملها بتمنع ان الحاجات دي تظهرلك اصلا و انت كمان حاول تتجاهل و متبصش و ربنا معاك

Avocado_47131 🇪🇬 · Answer

بص بقى تبعد عن صحابك وعن العاده دى ازاى بقا عشان تبعد عن حاجه هتقرب لحاجه تانيه قرب لربنا بقا اوى اوى متديش فرصه للشيطان يدخلك منها

Strawberry_47116 🇪🇬 · Answer

شكرا جدا لحضرتك