أنا قصتي طويلة شوية ياريت تتحملوني بس حقيقي محتاجة افضفض .. أنا اتولدت من أم نرجسية من و أنا طفلة كنت دايما بشوف خلافات و مشاكل او بمعني اصح افتعال مشاكل مع والدي و دوشة طول الوقت كنت بحلم ببيت دافئ و عيلة مستقرة بس تمر الايام و يتعب والدي و كان قلبه حاسس أنه مش هيعيش فيكتمل مبلغ من المال باسمي بهدف تأميني لاني كنت طفلة و طبعا تحت وصاية والدتي كتبلي كمان الشقة باسمي مع الاحتفاظ بإقامة والدتي فيها مدى الحياة يعني أمنها هي كمان و يتوفي والدي و انا عندي 17 سنة و اعيش اسوأ ايام حياتي الفلوس معانا بس والدتي متضرة تخلي الناس تعاملني كيتيمة تروح للمدرسين تخليهم يخفضوا اسعار الدرس أو يعفوني خالص و كل ده كان ببحطمني من جوايا خصوصا اننا مش فقرا بس كنت بعدي (عشان انا مليش حد خالص )و تمر الايام و اكبر و ادخل الكلية و كنت متفوقة في دراستي جدا و كنت بحاول اعتمد على نفسي في كل حاجة عشان مقلش كرامتي لو طلبت منها حاجة كنت بذاكر بكل قوتي و تقديري كان (جيد جداً مع مرتبة الشرف) من غير كورسات و دروس أو اي حاجة و وصلت لسن 21 سنة والدتي قالتلي تعالي اعملي توكيل عملت لها و بدأت تقولي أن لازم اشتغل اشتغلت مدرسة انجلش في مدرسة خاصة كنت اقبض المرتب و اديه في أيدها و مكنتش باخد حتى مصروف و كنت راضية و بقول الحمدلله ( لحد ما قابلت واحد زميلي في الشغل كان منفصل و عنده بنت (عايشة مع مامتها) و لاني فعلا كنت عايزة اسيب بيتنا لان امي كانت بتضربني و بتهيني قدام اي حد كنت شايفة فيه الخلاص بمعنى اصح كانت دايما بتقولي الفلوس اللي ابوكي كاتبهالك يا تفضل ليكي بس و انتي معايا يا لو اتجوزتي مش هتاخدي حاجة اختارت الجواز و الخلاص وو يطلع جوزي اسوء أو نسخة منها بخل و ضرب و إهانة و قهر و جبت منه بنت بصرف على نفسي و عليها في وجوده و طبعا والدتي اخدت مني فعلا كل حاجة الشقة و الفلوس و المحل بموجب التوكيل اللي معاها و انا حاليا طالبة الانفصال عن جوزي و قاعدة عند اخويا (اخواتي اخدوا جزء من حقوقهم في حياة بابا و اكبر مني بكتير) المشكلة أن هو انفصل عني شفوي و مش هيرضا يوثقه عشان محدش حقوقي هو صعب جدا و أهله كمان أنا طبعا مش هفضل اقعد عند اخويا العمر كله خصوصا أن هو كان منفصل بس هيرد زوجته و انا مش هينفع اقعد معاهم و مش عارفة اتصرف ازاي لو انفصلت هبقى في الشارع و لا اتحملت و كملت هلاقي ضرب و إهانة و ذل اتصرف ازاي أنا و بنتي ؟

0

0