قرفانه من صحابي في الجامعه وعاوزه اقطع علاقتي بيهم

Question

دلوقتي انا مصاحبه شله بنات معايا في الجامعة وكلنا قريبين من بعض ونشارك بعض حاجات كتيره المهم من فتره بابا تعب جدا وعمل عمليه وكنت في الفتره دي حقيقي منهاره جدا ورغم اني عرفتهم مفيش حد سأل منهم غير بنتين وسألو مره واحد متكررتش والباقي مسألش رغم اني كنت بنزل دعاء لوالدي كانو بيشوفو الاستوي حتي مسألوش عليا وبعدها بفتره انا تعبت جدا وعرفوا كلهم محدش سألني مالك رغم اني بسأل عليهم ديما ف بعدت شويه عنهم وقولت بعد كده الي مهتم يسأل وهعامل كل واحد علي قد اللي بشوفه منهم وكنا بنخرج مع بعض وبعمل ملخصات المواد وبديهم واعياد ميلادهم كلهم جبتلهم هدايا وهكذا من فتره عمتي ماتت ونزلت عندي ورغم انهم صحابي مسألوش ولا حتي قالو البقاء لله 
انا بصراحه قرفانه منهم ازي وعاوزه اقطع علاقتي بيهم كلهم وأخرج من الجروب وابعد عنهم حتي في الجامعه لما اشوفهم ابعد عنهم اعمل كده ولا تنصحوني بي ايه؟

Mango_70628 🇪🇬 · Accepted Answer

دول ولا اصدقاء ولا زمايل دول هوا ميتشافوش اصلا

Watermelon_56286 🇪🇬 · Answer

هو انت بتفكري بجد ؟
اخرجي من الجروب وعامليهم معاملة زمايل مش اكتر اشتري نفسك مستنية ايه تاني يوضحلك ان دول لا صحابك ولا ينفعوا يكونوا اصلا

Mango_67006 🇪🇬 · Answer

الصديق الاوفى خير من اخ انجبته امك 
دول مش اصدقاء دى مصالح فقط

Strawberry_66895 🇪🇬 · Answer

انا لو مكنتش بفكر كنت تخطيت المواقف وعديت بس انا قولت اديهم فرصه وعشان معنديش غيرهم اصلا فهماني

Watermelon_56286 🇪🇬 · Answer

هو ان يكون معندكيش غيرهم ارحم بكتير من ان دول اللي يكونوا صحابك ع الاقل لو مكانش عندك حد مكانش زمانك بتفكري وشاغلة بالك اشتري نفسك احسن وكده كده هتعملي صحاب بجد الدنيا مبتقفش

Watermelon_70627 🇪🇬 · Answer

الزمالة حاجه و الصداقة حاجه تانية ماتقطعيش علاقتك بيهم بالعكس خلي علاقاتك و معارفك موجودة. مع الوقت هتعرفي مين يستاهل يبقى صديق و مين يستاهل يبقى مجرد معرفة. خليكي دايما مسافة واحدة من الكل و اللي يقرب اهلا وسهلا و اللي يبعد شرفتنا و بابانا مفتوح. من رأيي المتواضع ده الصح

Strawberry_66895 🇪🇬 · Answer

انتي صح فعلا

Strawberry_66895 🇪🇬 · Answer

شكرا علي النصيحه بجد أفضل حاجه 🌷

Watermelon_70627 🇪🇬 · Answer

ربنا يوفقك في حياتك انتي لسه في اول الطريق حطي في اعتبارك مافيش استسلام لاي موقف هتاقبلي كتير و هتكتسبي خبرات كتير حطي في دماغك انك قد كل تحدي

Strawberry_66895 🇪🇬 · Answer

ربنا يجازيك خير يارب

Coconut_70410 🇪🇬 · Answer

اولا فيه فرق بين صاحب صديق زميل بس اكيد دول ومايا مش اصدقاء