قربت 28 سنة ومتجوزتش وحاسة عبء على أهلي 😓

Question

قربت اتم٢٨ سنة ومتجوزتش وبيتقدملى مطلقين معاهم عيال مع انى جميلة ودكتورة حاسة انى عبء ع اهلى بيضغطوا عليا اوافق وبيقولولى سنك كبر وانا مش قادرة اتقبل فكرة انه مخلف تعبت نفسي عاوزة حل والله حاسة هموت😓😓

Apple_51831 🇪🇬 · Accepted Answer

لو مش راضيه دلوقتي مش هترضي بعدين لكن هيلوموكي بعدين لأنك وافقتي على كدا من الاول
ومتخافيش انك مثلا عبء على اهلك لا انتي مش عبء انتي بنتهم وهما ملزومين يصرفوا عليكي لغاية ماتلاقي الشخص المناسب وتتجوزي ويطمنوا عليكي في بيتك
وان شاء الله هيجيلك الشخص الي يستحقك لكن متجبريش نفسك على حاجه وقولي يارب

Apple_51831 🇪🇬 · Answer

اوعي تغيري رأيك انتي كدا صح
انتي شايفه ان سنك كبر؟؟ انا اعرف واحده اتجوزت بعد ماعدت التلاتينات ( وتلاتين مش كبيره بردو لكن الناس شايفين انها كدا كبيره)
من حقك جدا ترفضي لأنه معاه عيال انتي مش مجبره تشيلي عيال حد ولو كان انتي الي معاكي عيال وهو رفضك محدش كان هيلومه
ف انتي ياحبيبتي جميله ومعاكي شهادة اجمل ماشاء الله ليه تقبلي ب حاجه مش عايزاها
حتى لو اتجوزتي وانتي 50 المهم تبقي راضيه ومبسوطه

Cherry_39231 🇪🇬 · Answer

والله بحاول ارفض بس بتقولى هتفضلى قاعدة جنبي والضغط النفسي بيأثر عليا وبتعب جسديا ونفسيا وهما مش حاسين بده

Apple_51831 🇪🇬 · Answer

لما تقولك كدا قوللها انا بنتك والمفروض تبقي بتتمنيلي الخير واني ابقى مبسوطه مش اختار اي حد وخلاص وفي الاخر ارجعلك تاني ومعايا عيال وافضل قاعده جنبك بردو
في الاخر ده قسمه ونصيب لكن لازم تاخدي بالاسباب 
ارفضي ومتهتميش لاي كلام لأن انتي صح
ولو سألتي اي شيخ هيقولك اهلك ملزمين منك لغاية ماتتجوزي

Coffee_51317 🇪🇬 · Answer

انا هقلق حاجه اولا فكري انتي عايزه تتجوزي ليه عشان اهلك وشكل الناس ولا عشان انتي عايزه تبني اسره وتبقي مرتاحه فيها يفرحتي اتجوزتي و انتي مش مرتاحه في حياتك معاه عشان بس اي حد يجي وخلاص فكري فانك تكوني مرتاحه مع الشخص اللي جي يخطبك اكتر من اي حاجه تانيه عشان هو اللي هيبقا معاكي باقي عمرك و عمتا انا اختي اتجوزت وهيا 30 و حصل معاها نفس الوضع متخفيش كلنا مكتبلنا نصبنا ❤️

Cherry_39231 🇪🇬 · Answer

والله بقولها كده بس الناس بيفضلوا يقنعوها ويزنوا ع دماغها كل يومين بعيش نفس القصة امتى هرتاح بفضل اقول ياريتنى كنت اتجوزت خطيبي الاولانى وخلاص مع انه كان مطلع روحى بس كنت مرتاحة من كلام الناس ادعولى والنبي يفك كربي

Cherry_39231 🇪🇬 · Answer

المشكلة انى مبقتش قادرة اتحمل الضغوطات دى بقالى سنين تعبت والله ومش عارفة الغلط فيه كله بيقولها وديها لشيخ وشوفى فيها ايه وانا تعبت

Coffee_51317 🇪🇬 · Answer

المشكله مش فيكي المشكله في اللي حواليكي كل اللي حواليكي هيحولو يطلعو فيكي اي مشكله وخلاص حتا لو هيا اصلا مش مشكله انتي شاطر و جميله ودكتوره يعني الفكره كلها نصيبك لسا مجاش بس مش اكتر مش عيب ولا مشكله فيكي متخليش الموضوع ياثر عليكي وفكري ان ماشي اتجوزت عشان بتستعجلوني وطلع ذي زفت انتي هتبقي مبسوطه لا الفكرة تلاقي الشخص اللي ترتاحي انك تكملي بقيت حياتك معاه

Corn_47942 🇪🇬 · Answer

مستمعيش لحد واختاري للي ترتاحي ليه هما مش هيتجوزوا مكانك ولا هما اللي هيعيشوا مع السخص اللي هتتجوزيه 
الاهل والصغوط بتبقي بداية باب بيجيب ندم وكوارث بعد كدا

Corn_47942 🇪🇬 · Answer

مستمعيش لحد واختاري للي ترتاحي ليه هما مش هيتجوزوا مكانك ولا هما اللي هيعيشوا مع السخص اللي هتتجوزيه 
الاهل والصغوط بتبقي بداية باب بيجيب ندم وكوارث بعد كدا