قررت أبعد عن خطبتها عشان ما ندخلش في مشاكل

Question

كان في صلة قرابه بيننا وكنت بفكر بشكل جدي اني اتقدم لها واخطبها ودخلت كلمتها بحيث اني اعرف مشاعرها قبل خطوه رسميه عشان ميبقاش في احراج لو اتقدمت واترفضت بعد كده واتكلمنا فتره مش كبيره واتعلقت بيا بس انا خلال الفتره دي حاجات كتير في شخصيتها مكنتش بتناسبني.. ولكن كلمت اهلي ناخد خطوه رسميه وخلال الفتره دي اسلوبها كان مش مناسب ليا نقدر نقول اني كنت بتنبأ للعلاقه دي بالفشل فقررت ابعد وانهي الموضوع علشان منجيش وندخل في مشاكل عائليه فيما بعد

Almond_63696 🇪🇬 · Accepted Answer

انا مش شيفاك غلطان في حاجه اللي انت عملتوا ده هو الصح انك جبت الموضوع من اولو مش احسن ما كنت اخدت كام خطوه وبعدين سيبتها لان شخصيتها مش منسباك؟  ساعتها الموضوع كان هيبقي صعب عليها

Popcorn_65217 🇸🇦 · Answer

بس اللي متأكد منه انها هتفضل شايفاني اني شخص مش امين

Almond_63696 🇪🇬 · Answer

انت اكيد بتقول الجمله دي عشان حاجه معينه ف بالك من ضمن التفاصيل بتاعت علاقتكوا بقي 
بس كلنا بنغلط 
اصل انت وهي مش هتدخلوا علاقه وهتطلعوا من غير اصابات مينفعش ده ضد الطبيعه كدا 
زي منتا قولت هي هتشوفك غير امين
وانت ممكن تشوفها شخصيتها مش البرفيكت 
وهكذا 
فا مش تحط ده فبالك اصلا لانو احكام علاقه فاتت وكمان فشلت

Watermelon_32587 🇶🇦 · Answer

اهم شي أنقذت نفسك وانقذتها من علاقه فاشله من البدايه ربي يرزقكم بأشخاص مناسبين لكم

Biscuit_65454 🇪🇬 · Answer

طب وعلقتها ليه من الاول لا الله الا الله

Popcorn_65217 🇸🇦 · Answer

كنت جاد وكلمت والدتي وكنا ع وشك نتقدم بشكل رسمي لكن مع الوقت حسيت ان مش متقبل بعض التصرفات زي اللي بيننا بيتحكي برا بخلاف بعض الحوارات اللي بقيت بحس انها بتحصل ف على ايه بقه تكمل في حاجه انت متأكد انها هتفشل.
وعندنا في مصر بشكل عام لما بتفشل علاقه بين اتنين قرايب الاهل بيخسروا بعض معاها