خلاص طاقتي خلصت.. هستقيل من شغلي اللي بياكلني

Question

قررت قرار زي كل القرارات اللي باخدها خلال ال٣٠ سنه اللي عايشهم اني باجي علي نفسي فيها مفيش حاجه بتنصفني 
بعد م كتبت امبارح مشكلتي اني ف الشغل هستقيل منه
وطبعا كلمت اهلي ف الموضوع لقيتهم ف الاول مستمعين بعد كده الطبيعي لكل الأهالي اتقال وبعد م تسيب الشغل ... الخ الخ الخ 
انهارده جالي ميل من الشركه اني اتخصملي من مرتب شهري ده اللي لسه مقبضهتهوش الحمدلله السبب تقصري في الشهر ده وتقصري عباره عن ايه (التلكيكه) من صاحب الشغل والحمد لله يشهد عليا ربنا المهم انا قولت خلاص هستقيل بكره وان هو جاب أخري بحركه الخصم
المهم اختي كلمتني ووالدتي ومينفعش ووووو 
المهم وانا قايم اصلي العصر دلوقتي ولدتي بتقولي هتعمل ايه وهي قابله وشها عليا وكلامها متغير قولتلها هكمل ياامي هكمل لحد م انا هموت من كل اللي بيحصل ف حياتي ده من ضغط وكاتمه وغيره هكمل وانا مفيش حاجه بسطاني ولا مريحاني والحمدلله ملتزم مع ربنا بصلاتي وبكل حاجه 
انا فعلا طاقتي خلصت ونفسيتي وبدأت احس اني بخش علي صحتي حرفيا مش مجرد كلام 
لا حول ولا قوه الا بالله العلي العظيم

Watermelon_68421 🇪🇬 · Answer

بص لو أنت شايل أو مشارك في مصاريف البيت فمينفعش تمشي قبل ما تدور على شغل تاني للأسف لكن لو شايل نفسك خلاص توكل على الله أنت اللي هتتحمل تبعات ده بس المهم مترضاش بعمل توكسك دور وربنا كريم وصحتك خط أحمر يا ابني

Biscuit_67575 🇪🇬 · Answer

قبل ما تسيبه صلى استخاره 
وشوف أماكن تانيه قدم عليها شغل وانت كبير يعني قدراتك متقدمه ف ان شاءالله ربنا ييسر لك اموك وتلاقي شغل غيره وربنا يكتبلك الخير أينما كنت

Marshmallow_68139 🇪🇬 · Answer

متسيبش الشغل غير لو فيه الأحسن منه الدنيا صعبه علي الكل والله وحاول تفكر بطريقه تانيه ان ربنا رزقك الصحه للشغل الحمد لله وما هي إلا وظيفه تاكل منها عيش يعني جزء بسيط من حياتك

Chilli_68111 🇪🇬 · Answer

بص اوعه تيجي علي نفسك دا اولا
وثانيا عمرك ما هتنجح ف شغلك لأنك مش حابه ولا حابب المكان ف بتالي هتكون بتعمل شغلك علشان الراتب وما يتخصم منك ف هتفضل مكانك لو فضلت عمرك كله
نصيحه لو انت مسئول عن بيتك حاول تستحمل شويه ودور علي حاجه احسن وامشي بس تكون واخد القرار

Mango_66883 🇪🇬 · Answer

للاسف مهلوك نفسيا ومفيش اشغال تانيه والواحد نفسو مسدوده

Mango_66883 🇪🇬 · Answer

اللهم امين يارب العالمين 
انا مش مرتاح فعلا وانا فيه بس مفيش شغل تاني والواحد بقا مرغم علي القرارات دي الحمدلله على كل حال وكل شيء

Mango_66883 🇪🇬 · Answer

مفيش حاجه تاني للاسف وكمان انا طول ال٣٠ سنه باجي علي نفسي في كل حاجه حتي لما كنت بحاول ابني بيت واكمل نص ديني
الحمدلله علي حال وكل شيء

Mango_66883 🇪🇬 · Answer

المشكله مش مقتصر علي الشغل بس لا انا حياتي كلها علي بعضيها توهان وزي مابيقولو مطبات مبتخلصش 
الحمدلله علي كل حال وكل شيء

Marshmallow_68139 🇪🇬 · Answer

كل مؤمن مصاب استعن بالله وربنا يقويك يارب

Mango_66883 🇪🇬 · Answer

ونعمه بالله العلي العظيم