في ناس مش نايمة بس مش صاحية مش حزينة بس مفيش بتتحرك… بس مش رايحة في حتة في وجع ملوش صوت حاجة عاملة زي صداع في الروح مش باين بس بينهش كل حاجة بيقفل النفس من كل حاجة حتى الحاجات اللي كانت بتِعيش في ناس لو سألتهم مالك مش هيعرفوا مش لأن مفيش حاجة بس علشان كل حاجة بقيت شبه بعض الأيام، الأصوات، الوشوش، الأحلام اللي ماعدتش بتيجي حتى ف النوم في نوع من التعب مالوش علاج ولا motivation videos ولا بوستات تنمية بشرية ولا لمة أصحاب ولا حتى البحر النوع ده محتاج وقت وصمت وحد فاهم إن فيه ناس مش بتتداوى بالكلام ولا بالعتاب ولا بالحكم فيه ناس محتاجة بس الدنيا تسكت شوية بس كده قوللي… لو الوجع ماعادش بيخليك تبكي ولو الحلم بقى عبء ولو النوم راحة مؤقتة مش راحة حقيقية يبقى إيه الحل؟ وإيه الغلط في إنك تبقى مكسور… من غير ما تشرح ليه؟

3

0