عايز أفهم طاقة النكد عند البنات

Question

انا عايز افهم البنات بتجيب طاقة النكد دي كلها منين و ازاي ، بتحسوا ب ايه !! ازاي في ساعة ابقى في الجنة و الساعة اللي بعدها اكون في جهنم ، ازاي اقدر اخلق مشكلة و اقلب الترابيزة و اطلع الراجل غلطان و يوم ما يحاول يبرر او يحتوي و تحس انه بدأ يكسب في الكلام اغير الموضوع او اهرب !! هل ده تخطيط ولا دي فطرة ولا الكائن ده حكايته ايه ، انتو ازاي عايشيين في نعيم الجهل للدرجة دي ، انا نفسي البنات تجرب حياة الراجل يوم بنفس الضغط و التفكير و قلة الحيلة في مواجهة امور مطلوب حلها بدون خساير

Strawberry_62795 🇪🇬 · Accepted Answer

انا ك بنت معاك جدا بس الموضوع بيكون عبثي جدا وهي بتكون متطمنه وهي معاك ف عاوزه تطلع زعلها في اي حاجه ف بتخلق مشكله عشان تصالحها (ده لو انت متأكد ان هي بتحبك) لو واخدين بعض كده معرفه من بعيد ف بتكون زهقانه وهتطلع غلبها في اي حاجه (شوفت ده قدامي من صحابي)

Mango_75327 🇪🇬 · Answer

انا لما بقابل بنت بالنوع ده يا اما بقولها متعملش كده و نمشي الدنيا ودي ، يا اما خلاص بقي بالنسبالي ده شي مستحملوش

Potato_77746 🇪🇬 · Answer

من ساعه ما اشتغلت وانا بقيت زى الرجاله عايزة اجى اكل لقمه حلوة وانام ومسمعش رغى كتير حتى لما ارتبطت وكان فى حد عايز اهتمام وبتاع زحلقته احنا مش ناقصين صدااااع والله والحمد لله ع السنجل والجدعنه

Coffee_72855 🇪🇬 · Answer

ياعني المفروض دي لغة تعبير عن الحب !! طب حاليا انا متأكد انها بتحبني لو في يوم كرهتني ازاي هاقدر افرق ؟

Coffee_72855 🇪🇬 · Answer

طبيعي لو هي شخص غير سوي مش هاكمل بس الكلام على البنات عموماً هي مش صفة شخصية

Strawberry_62795 🇪🇬 · Answer

هتتعامل معاك ب برود ومش هتقبل اعتذارك بسرعه ده غير لو هي شخصيه سوري بتحب ترخم ف هيبقي في فرق واضح في تعاملها +لا مش لغه حب هرمونات والله

Coffee_72855 🇪🇬 · Answer

شخصيتك اتغيرت بمجرد انك اشتغلتي زي الراجل فقط ما بالك لو اشتغلتي و معاها كومبو مسؤوليات و ضغط و حل مشاكل ٢٤/٧

Sugar_79908 🇪🇬 · Answer

تقريبا دي حاجه فطريه لإن كلهم كده ✋

Cherry_80274 🇪🇬 · Answer

متفقة معاك لو الموضوع اوڤر.. بس صدقني في الغالب البنت بتبقى ردة فعل، وساعات بتبقى البنت عندها شغلها وضغطه وضغط الحياة كمان عليها ويجي الراجل يطلع ضغطته عليها كمان وهي المفروض تتعامل كاسفنجة وتتعامل ببرود وعادي ومتضايقش عشان ميبقاش اسمها نكد!

Coffee_76770 🇪🇬 · Answer

ربنا يرزقك بجهاز هرموني فطري زي البنات عشان تحس بيهك وتفهم حكايتهم بالظبط وتشوف بنفسك

Coffee_52917 🇪🇬 · Answer

زي ما في ستات نكد و بتقلب الترابيزة في رجالة نكد و بتقلب الترابيزة و دا بنشوفه كتير اوي  لان دي شخصيات ملهاش علاقة بست و راجل الموضوع متوقف ع التفاهم بين الاتنين و ازاي نريح بعض و نرتاح نفهم مواقف بعض كويس و الطرف الي تعبان و مضغوط يوم الطرف التاني يهون عليه و العكس اليوم الي بعده و يبقى الهدف ان الحياة تبقى اريح و اهدى و احلى مع الشخص الصح مش مجرد ابقى ف علاقه و معايا حد شكلة جميل و خلاص

Coffee_52917 🇪🇬 · Answer

لازم يبقى في نضج عاطفي في الطرفين عشان يبقو الاتنين مرتاحين مش متوقفه ع راجل او ست