هو في وقت معين بييجي على الواحد ويحس إنه فقد ملامحه؟ مش ملامحه اللي في المراية… لأ، ملامحه اللي جواه. أنا مش عارف أنا بقيت كده إزاي، ولا إمتى، ولا ليه. بس في حاجة اتحركت من مكانها جوايا، حاجة مش راجعة مكانها تاني بسهولة. بصحى كل يوم وكأني داخل ماراثون مش عارف بدايته ولا نهايته… بس بجري، وبتعب، وبرجع أنام وأنا أكتر حاجه فيا محتاجة ترتاح، مش جسمي… قلبي وعقلي حاسس إني مليان كلام، بس مش لاقي اللغة اللي تقدر توصفه. كأن جوايا صوت عالي، بس مكتوم. كأن في سؤال كبير بيطاردني، وأنا مش عارف أرد عليه… هو أنا كويس؟ ولا أنا بس متعود أقول إني كويس عشان مفيش اختيارات تانية؟ كل يوم بعدي من جنب ناس كتير، بس محسّتش من زمان إن حد عدى من جوايا. حاسس إني تايه، فعلاً تايه، ومش بس تايه ف الدنيا… تايه ف نفسي أنا مش بطلب حاجة… بس يمكن كنت محتاج حد يسألني: "مالك؟" ويسيبني أجاوب على راحتي، من غير استعجال، من غير حكم، من غير ما يحاول يربطني بحل

6

0