فقدت الشغف وطاقه ومش عايزه اكلم حد

Question

انا بقيت فاقده الشغف بطريقه وحشه اوي 
معنديش طاقه ولا نفس اني اعمل اي حاجه انا بحبها بعدت حرفياً عن كل حاجه معنديش نفس اني اتكلم مع حد ونقعد نرغي وصلت لدرجه اني مش عايزه اكلم حد ولا اشوف حد ودي حاجه مضيقاني اوي نفسي ارجع زي الاول كلي طاقه واعمل اي حاجه انا بحبها بشغف وحب بس انا مش عارفه حتي المفروض اعمل ايه علشان ارجع زي الاول لاني بجد عايشه بلا هدف

Blueberry_78048 🇪🇬 · Accepted Answer

مفيش حاجه عندنا ف الدين اسمها فاقد الشغف 
قومي و كملي و اتعبي كلها ايام و نروح كلنا

Pineapple_68397 🇪🇬 · Answer

هونيها وتهون ان شاء الله حاولي تدوري علي حاجه بتحبيها تعمليها او تتكلمي مع حد ثقه اكيد في سبب لكل دة

Apple_72535 🇪🇬 · Answer

طيب انتي قلتي ترجعي زي الاول طب ايه ال حصل غيرك معني كلامك بيقول كده ايه السبب الاول؟

Blueberry_76584 🇪🇬 · Answer

دي حواجز نفسيه بسبب تراكمات عندك لازم تحاولي تغيري من عاداتك و لو شخصيتك القديمه كانت منطلقه اكتر لازم تجربي و تعملي حاجات تبسطك حتي لو بسيطه هتفرق معاكي و مع نفسك و هتبقي حاجه تعرفي تبني عليها و لازمم تتقبلي الماضي بكل مافيه و تتسامحي معاه و متخافيش من الجي و هتبقي تمام جدا

Pineapple_78975 🇪🇬 · Answer

قعدت ادور علي سبب مش لاقيه انا فجاه بقيت كده ومش دا كلامي انا دا كلام الناس اللي قريبه مني اني فجاه بقيت لوحدي وفجاه بقيت انسانه تانيه

Pineapple_78975 🇪🇬 · Answer

جربت اتكلم مع حد فعلاً علشان كان بيعاتبني اني بعدت واتغيرت وساعتها قالي اللي انتي فيه دا دلع وغيرك عنده مشاكل اكبر رغم اني مكنتش بشتكي او حاجه انا كنت بوضح باللي حاسه بيه مش اكتر علي اساس انه يفهم بس اللي بمر بيه حسيت ساعتها اني مكنش لازم اتكلم