عمرى 38 ومش قادر اتجوز..حاسة بالانجذاب واليأس

Question

عمرى 38 وربنا ماقسمش انى اتجوز ..كل واحد يتقدم ويعرف سنى يختفى حتى لو هو اكبر سنا بشوية لدرجة انى كرهت نفسى وحسيت انى منبوذه على الرغم انى تعليم عالى وبشتغل واحيانا بقول عندهم حق وبيرسخ ف بالى انى موضوع الانجاب بيبقى صعب للبنات ف السن ده ..انا وصلت لمرحلة مبقتش عارفه اعمل ايه او اروح فين دا شىء مش بإيدى و مش ذنبى انى لقيت نفسى ف الحاله دى..لا عندى أمل ف بكره ولا شايفه مستقبل و كأنى عايشه ميته

Avocado_63956 🇪🇬 · Accepted Answer

اختي الكريمة استهدي بالله واستعيذي بالله من الشيطان الرجيم واسمعي الرقية الشرعية من اليوتيوب و صلي ركعتين قضاء الحاجه كل ما استطاعتي و سورة الواقعة خمس مرات بعد كل صلاة و المعوذتين و الاخلاص و آيه الكرسي مع اذكار الصباح والمساء و ان شاء الله ربنا يرزقك بالزوج الصالح عاجلا غير اجل وكلنا نحضر فرحك باذن الله تعالى

Cheese_64602 🇪🇬 · Answer

عشان توصلي لحل لازم تعرفي ايه هو السبب الرئيسي اصلا للموضوع 
ايه السبب الرئيسي

Coffee_67699 🇪🇬 · Answer

لعل الله يحدث بعد ذلك أمرا

Donut_39602 🇪🇬 · Answer

انا مش الفكرة ف الجواز الفكره انه مفيش حد بيختارك لشخصك او كشريك حياة بعيدا عن حاجات تانيه

Donut_39602 🇪🇬 · Answer

الله كريم

Watermelon_67591 🇪🇬 · Answer

الجواز مش انجاب و بس اللي بيختارك هيختارك علشانك انتي مش علشان شهواته و انزلي مثلا كورسات و اتعرفي على ناس جديدة و اكيد هتلاقو عندكم حاجات مشتركة وربنا يرزقك بالزوج الصالح في اقرب  وقت ❤

Cherry_66547 🇪🇬 · Answer

ربنا شايلك الاحسن يمكن اللى كان هيتدملك كان هيبهدلك وربنا عمل كدة لانك بنت ناس ومحترمه وعلى خلق 
لا تفقدى الامل فى الله

Avocado_67770 🇪🇬 · Answer

شايف متستعجليش وعيشى حياتك واتبسطى عشان لو كئبتى نفسك السن هيبان عليكى انما لو مبسوطه عمر السن ميبان

Coffee_67699 🇪🇬 · Answer

ان شاء الله هيعوضك بأحسن مما كنتي تتخيلي .. انا برضو بقول لنفسي كده 
بس للاسف تاخري في الزواج كان بسببي انا مش علشان اي حاجه تانيه

Donut_39602 🇪🇬 · Answer

ماهو مبقاش عندى طاقه لأى حاجه مش قادرة اتعايش

Donut_39602 🇪🇬 · Answer

شكرا ليكى

Donut_39602 🇪🇬 · Answer

انا زعلانه بس من الناس وتصرفاتهم وتقييمهم ليك من غير حتى مايعرفوا حاجه عنك

Donut_39602 🇪🇬 · Answer

شكرا ليك

Cheese_64602 🇪🇬 · Answer

ابعتيلي برايفت

Watermelon_67591 🇪🇬 · Answer

حاولي مرة و اتنين و تلاته صدقيني فرحة انك تلاقي شخص بيحبك و فاهمك وانتي فاهماه هتنسيكي كل التعب والضغوط اللي مريتي بيها

Donut_39602 🇪🇬 · Answer

انا وانتى يارب

Coffee_67699 🇪🇬 · Answer

قصدك انا و انت انا راجل يا فندم و ان شاء الله ربنا هيعوض

Avocado_67770 🇪🇬 · Answer

دي اكتر حاجه ترجعك مطلعكيش لقدام فكك من الناس واتبسطى هتلاقى الحياة بتبسطك وبتناولك الى ف بالك الزعل هو سبب كل ده

Donut_39602 🇪🇬 · Answer

جزاكم الله خيرا ربنا يراضيكى

Avocado_63956 🇪🇬 · Answer

احنا وانتي يارب تابعينا كل فترة كدا وان شاء الله ندعمك و ترجعلك ثقتك بنفسك

Donut_39602 🇪🇬 · Answer

بعتذرلك.. ربنا كريم قادر يعوضنا خير

Coffee_67699 🇪🇬 · Answer

ان شاء الله

Apple_57323 🇪🇬 · Answer

ربنا يرزقك بالزوج الصالح والذرية الصالحة

Watermelon_53003 🇪🇬 · Answer

الزواج رزق زي اي رزق ربنا بينعم علينا به فلو مش رزقك فاحمدي ربنا وفكري في كم النعم اللي رزقتي بها الحمد لله ولو رزقك فهيجيلك غصب عن الجميع

Banana_64932 🇪🇬 · Answer

لسه ربنا ما أردش 
صدقيني اما ربنا يريد هتلاقي كل حاجه جميله 
وبعدين ربنا شايلك الي يستاهلك

Donut_39602 🇪🇬 · Answer

يا خويا انا قفلت من صنف الرجاله كله سيره الجواز دى مبقتش احبها بسبب الناس المتخلفه اللى حواليا

Avocado_53960 🇪🇬 · Answer

سيبك من الوسوسة.. ربنا هيعوضك خير .. والله والله والله خلى ثقتك فى ربنا وتاكدى ان ربنا عمره ما هيخذلك .. يا قمر انتى 😇

Banana_66129 🇪🇬 · Answer

ده قدر ونصيب مكتوب 
عيشي حياتك وانسي وركزي في شغلك وربنا كريم هايبعده بدون اي إدراك منك في وقته
وصدقيني افضل مكنتيش اهدي تجربه وفشلت وسببتاك جرح كبير

Donut_39602 🇪🇬 · Answer

ماشى تمام طيب دا هستناه لامتى اذا كان دلوقتى وسنى بالنسبة ليهم كبير ومفيش منى أمل

Donut_39602 🇪🇬 · Answer

شكرا

Potato_67324 🇪🇬 · Answer

اى دا كل ال شايلاه جواكى دا انتى يا بنتى ست الناس كلهم و العمر مجرد رقم . صدقينى كل حاجه بميعاد و كل حاجه ليها توقيت و التاخير دا مش انتى السبب فيه كان جايز جدا تتجوزى بدري و يحصل انفصال ساعتها. صدقينى كنتى هتعرفي قيمه ال انتى فيه حاليا . حبي نفسك زى ما انتى متغطيش نفسك . بكره بتاع ربنا مش بس بكره الدقيقه الجايه بتاعه ربنا . يمكن ف ثانيه حياتك تتبدل . ربنا يسعدك و يفرح قلبك

Donut_39602 🇪🇬 · Answer

الحمد لله على كل حال

Donut_39602 🇪🇬 · Answer

ان شاء الله خير

Donut_39602 🇪🇬 · Answer

يارب

Banana_63629 🇪🇬 · Answer

ماذا بينك وبين ربك ليؤخرك بالانشغال عنه بالخلفية او الجواز او الحب للجنس الاخر... هواللي خلقك و هو إللي عالم ب جمال قلبك ربنا يراضي قلبك

Potato_67324 🇪🇬 · Answer

عيشي دنيتك و اذا كنتى زعلانه ان محدش بيختارك ف يا ستى انتى ال كسبانه عشان اما يجى عوض ربنا تفرحى و قلبك يطير من الفرحه ربنا يرزقك بالزوج الصالح

Donut_39602 🇪🇬 · Answer

الثقه ف نفسى موجوده بس انا مريت بحاجات ف حياتى صعبه وحسيت انى زهدت فيها ومش قادرة اعيش تانى

Avocado_53960 🇪🇬 · Answer

والله مش بالسن صدقينى .. وهتلاقى عوض ربنا جالك لحد عندك وهتعيشى احلى قصة حب والله والدنيا هتظبط معاكى والله …روقى كدة يا عسولة انتى 😇

Mushroom_66465 🇪🇬 · Answer

كلنا عندنا مشاكل أنا عمر نفس عمرك 
بس تزوجت وتعرض لضعنه قويه 
وعندي اطفال ببحث بنت الحال الي تصوني في غيابي 
المهم 
أنا بختلف منك ف أنا سوداني غير مسيسور الحال

Donut_39602 🇪🇬 · Answer

شكرا ليكى ولكلامك الطيب

Watermelon_67591 🇪🇬 · Answer

لا متقوليش مفيش منك امل انا عارف انك انسانه جميلة و مليون واحد يتمناكي وممكن علشان انتي مش بتظهرلي كتير للناس ف هما مش واخدين عليكي بس زي ما قولتلك روحي اماكن جديدة و اتعرفي على ناس جديدة وانا متأكد ان ربنا شايلك مفاجأه انتي مش متخيلاها خالص بس اتقربي من ربنا اخرجي كتير هتلاقي مليون واحد عاوزك ❤

Donut_39602 🇪🇬 · Answer

الحمد لله

Mango_67791 🇪🇬 · Answer

انا عندى 40 وضغط المجتمع عمره ماثر عليا بالعكس انا يستمتع بوقتى وشيله من تفكيرى موضوع الجواز والله جه حد مناسب كان بها مجاش عادى انا عايشه حياتى والموضوع مش فارق معايا حولى تستغنى وهتحسى برضى مش هتحسى اصلا ان دى مشكله لانها فعلا مش مشكله يمكن ربنا بيبعد عنك شر

Strawberry_65271 🇪🇬 · Answer

حبى نفسك والجواز و وجود اطفال مش كل حاجه في الدنيا ٣٨ ده أجمل وأحلى عمر المفروض تكونى أكثر نضج وتفكيرك يكون واعى وتكونى فاهمه أنت عايزة
وكمان اخرجى واتعملى حاجة جديدة
اكتشفى نفسك وطورى من تفكيرك عيشي حياتك واتعلمى تستمتعي بحياتك 🩵🪻

Avocado_63956 🇪🇬 · Answer

اذا حابة تحكي نزلي بوست بس خلي النصايح برايفت عشان نتكلم وانا هبعتلك

Donut_39602 🇪🇬 · Answer

ربنا يرزقك بابن الحلال اللى يقر عينك

Donut_39602 🇪🇬 · Answer

الله يعوضك خير ويرزقك باللى تستاهلك

Kiwi_67780 🇪🇬 · Answer

السلام عليكم

Banana_67793 🇪🇬 · Answer

استعيني بالله

Donut_39602 🇪🇬 · Answer

ونعم بالله

Banana_63629 🇪🇬 · Answer

حاولي تحافظي ع ورد يومي يحفظك من اي حد مكر بيكي او عاملك حاجة تأذيكي لأن الاختفاء المفاجئ مش طبيعي

Mango_67791 🇪🇬 · Answer

تسلمى انا وانت يارب

Donut_39602 🇪🇬 · Answer

ماهو انا مش فارق معايا رفاهيات الحياة دى لانى زاهده الحياة ..معرفش دى حاله نفسيه ولا ايه بالظبط

Apple_66876 🇪🇬 · Answer

متقلقوليش سنك في الاول لاي حد اتعرفوا كويس وخليه يحبك فهماني بعدها مش هيفرق معاه سن دي نصيحه

Banana_66873 🇪🇬 · Answer

انا ممكن اتجوزك لو حصل ارتياح

Donut_39602 🇪🇬 · Answer

انا بقول السن لانه مش عيب والفكره انه الناس بتكلم وسيط وييجى يكلمنى وياخد معلومات عنى بعدها المتقدم ميجيش

Donut_39602 🇪🇬 · Answer

انا بشكى مش عشان عايزة جواز انا زعلانه عشان تصرفات الناس معايا وبتزعلنى

Mango_67791 🇪🇬 · Answer

حاله نفسيه غالبا اكتئاب روحى لثرابيست

Banana_66873 🇪🇬 · Answer

شيئ طبيعي إنك تزعلي من تصرفات الناس
ولكن انا بتكلم جد
ف طلبي
وده شيء مش غريب ولا غير لائق دي سنه الحياة
وطبيعي اننا كلنا نأمل بشريك حياة وانيس
وبكرر طلبي وانا جاد، مش بتسلي

Apple_66876 🇪🇬 · Answer

اي المشكله متقوليش في الاول قولي في ٣٠ وخلاص حاولي تكوني انثى في نفسك أكتر خلي اللي قدامك يشوفك واحده متتعوضش صدقني كل عريس اتقدملي ورفضني بيندم عليا الوقتي

Donut_39602 🇪🇬 · Answer

شريك الحياة ف الزمن ده صعب يتلاقى على أرض الواقع مابالك بقا عن طريق ابلكيشن

Orange_66085 🇪🇬 · Answer

الزواج نصيب ومحدش بياخد غير نصيبه

Donut_39602 🇪🇬 · Answer

عندك حق

Donut_39602 🇪🇬 · Answer

اكيد

Banana_66873 🇪🇬 · Answer

وجهات نظر

Coffee_57414 🇪🇬 · Answer

متسيبيش نفسك للحزن والكئبه علشان ده من الشيطان شوفي حالك حاربي علي حلمك في برامج كتيرة دلوقتي للزواج ممكن يكون نصيبك لسه مجاش مش عيب لما البنت تحرب لفكرة الزواج ايام الرسول كانت الستات هيا اللي بتطلب الزواج وهنا مقصدش انها كانت بتتقدم للراجل مش عيب لما تقولي لحد ولا تنزلي موصفاتك علي برنامج الزواج الاسلامي واكتبي بيناتك واكيد في حد ممكن يكون راغب في حد زيك ويكون بيتمنا حد زيك بس لسه مجاش نصيبه

Donut_39602 🇪🇬 · Answer

دى ابلكيشنز غير موثوق فيها ومانصحش حد يتعامل بيها ..هى مسألة الجواز مبقتش شاغله بالى بس انا بزعل من رد فعل الناس معايا

Coffee_57414 🇪🇬 · Answer

انا اختي الوسطانيه كان بيجلها عرسان وهيا في ثانوي واتخرت لعمرك تقريبا وكانت بترفض كتير وفي الاخر تزوجت من صديق لي اصغر منها بسنتين وسبحان الله كان قدمها طول العمر ومكنتش بتطيقه دايما الوحيد من اصدقائي كانت تقول عليه معندوش دم علشان كان بيجي ياكل عندي 😂😂 ودخل البيت عندنا في يوم طلب ايدها وسبحان مغير الاحوال وحاليا عندهم طفل

Coffee_57414 🇪🇬 · Answer

سيبك من الناس وفي برامج موثقة وتبع الازهر معرفش لو قولت اسمه هنا عادي ولا هتحظر

Donut_39602 🇪🇬 · Answer

ماشاء الله ..هو نصيب بس الفكرة ف العقليه انى اكون راجل ف التلاتينات او الاربعينات وافكر اتجوز واحده ف اول العشرينات ..وكأنى اللى ف التلاتينات دى صلاحيتها انتهت

Sugar_56961 🇪🇬 · Answer

اولا هو نصيبك و لا اعتراض على قضاء ربنا 
ثانيا  لازم تاخد بالسبب لازم تروحى أماكن مثلا كورسات أو  ف الشغل أو حتى مكتب زواج او تقولى لصحابك عشان لو فى عريس 
ثالثا ممكن يكون شغلك و مؤهلك هو السبب أن الرجالة اللى بيتقدموا يشوفوا نفسهم 
اقل منك و ده عائق 
رابعا انتى ممكن متوافقيش بحد اصغر منك عشان المجتمع و الكلام ده بس هو عادى 
خامسا اهتمى بنفسك و عيشى حياتك و هييجى ابن الحلال انشاء الله ❤️

Coffee_57414 🇪🇬 · Answer

ده غالبا بيكون بيدور علي شهوه مش اسرة وبيت وزواج واللي بالعقليه دي احمدي ربنا انك ماخدتيهوش

Donut_39602 🇪🇬 · Answer

المواضيع مش بتكمل واتعقدت عشان كله بيقولى ادى لنفسك فرصه تقعدى وتشوفى الناس ولما مشبت ورا كلامهم زعلت يبقى انا احاول ف الموضوع ليه من اساسه او ادى فرصه اشوف حد ؟!

Donut_39602 🇪🇬 · Answer

الحمد لله والنوعيه دى بالذات ملهاش ف الاستقرار

Sugar_56961 🇪🇬 · Answer

ترضى تتجوزى شاب ٢٣ سنة و تعتبريه ابنك 😂
محتاج شويةحنان بس

Sugar_56961 🇪🇬 · Answer

لأ لازم تدى فرص و اعرفى أن كل بنى آدم و له عيوب و مفيش حد كامل

Donut_39602 🇪🇬 · Answer

انا من رأيى يعنى انك تسيبك من الكلام ده عشان انت لسه صغير وقرب من ربنا اكتر وساعتها مش هتحتاج حاجه من حد

Sugar_56961 🇪🇬 · Answer

بكل صراحة و بدون كذب الموضوع دلوقتى بقى بالنسبة لك أولوية فلازم تدى فرص و تحطى لنفسك معايير معينة الراجل اللى هتوافقى عليه خصوصا لو كان أكبر منك هيكون عنده اطفال غالبا فلازم تفهمى الاول انتى عاوزة ايه ف شريك حياتك و من الاخر تحطى النقط ع الحروف و ربنا بيكرم ❤️🤍

Sugar_56961 🇪🇬 · Answer

بهزر و الله ❤️ عاوزك بس تطلعى من المود ده و انشاء الله ربنا هيرزقك بأبن الحلال اللى هيخليكى مش محتاجة اى شئ ❤️

Kiwi_67780 🇪🇬 · Answer

كل شيء بأوان

Banana_65519 🇪🇬 · Answer

خلي املك في ربنا كبير

Watermelon_63493 🇪🇬 · Answer

والله انا فى سنك وكنت بدور على عروسة
انتى منين

Mango_66250 🇪🇬 · Answer

سلام عليكم 
أكثري من الاستغفار وربنا ان شاء الله هيحقق كل اللي ببتتمنيه 
لو عندك برنامج just talk اكلمك عليه
Ahmed_1780

Mango_66250 🇪🇬 · Answer

سلام عليكم 
لو حضرتك عندك برنامج just talk اكلم حضرتك عليه في حل عندي
Ahmed_1780

Pistachio_52720 🇪🇬 · Answer

بالعكس المفروض الراجل يحب الست الناضجه

Coffee_67536 🇪🇬 · Answer

خلي عندك امل إنشاءالله ربنا هيكرمك ب اكتر من اللي بتتمني

Pineapple_67627 🇪🇬 · Answer

خلي يقينك بالله اكبر من خوفك